പ്രൊവിൻഷ്യൽ നോമിനി പ്രോഗ്രാമുകളിൽ (PNP) മാറ്റം വരുത്തി ആൽബർട്ട. ജൂൺ 11-ന് ആൽബർട്ട ഓപ്പർച്യുണിറ്റി സ്ട്രീമിന് കീഴിലുള്ള അപേക്ഷകൾ സ്വീകരിക്കുന്നത് പുനരാരംഭിക്കുമെന്ന് പ്രവിശ്യ വ്യക്തമാക്കി.
കൂടാതെ, കനേഡിയൻ ഗവൺമെൻ്റിൻ്റെ വാർഷിക പിഎൻപി അലോക്കേഷൻ്റെ പശ്ചാത്തലത്തിൽ 2024-ലേക്കുള്ള നോമിനേഷൻ ടാർഗെറ്റുകളും പ്രോസസ്സിംഗ് സമയങ്ങളും നിയന്ത്രിക്കും. പ്രവിശ്യയുടെ വാർഷിക നോമിനേഷൻ ക്വാട്ട 9,750 ആണ്. മെയ് 29 വരെ AAIP യുടെ വിവിധ സ്ട്രീമുകൾക്ക് കീഴിൽ പ്രവിശ്യ ഇതിനകം 4,337 ഉദ്യോ​ഗാർത്ഥികൾക്ക് ഇന്ഡവിറ്റേഷൻ നൽകിയിട്ടുണ്ട്.
ആൽബർട്ട ഓപ്പർച്യുണിറ്റി സ്ട്രീം, റൂറൽ റിന്യൂ സ്ട്രീം, ആക്സലറേറ്റഡ് ടെക് പാത്ത് വേ, ടൂറിസം ആൻഡ് ഹോസ്പിറ്റാലിറ്റി സ്ട്രീം എന്നീ സ്ട്രീമുകളിലായി നോമിനേഷനുകൾ ഏഴ് മാസത്തിനുള്ളിൽ പ്രവിശ്യ വീതിച്ചു നൽകിയേക്കും.