കാനഡയുടെ പല ഭാഗങ്ങളിലും സ്പ്രിംഗ് അലർജി സീസൺ നേരത്തെ ആരംഭിച്ചു. ടൊറൻ്റോ, ഓട്ടവ, മോൺട്രിയൽ തുടങ്ങിയ ചില നഗരങ്ങളിൽ ഉയർന്ന തോതിലുള്ള പോളെന്‍(പൂമ്പൊടി) വീഴുന്നതിനാലാണ് അലര്‍ജി വര്‍ധിക്കുന്നതെന്ന് വിദഗ്ധര്‍ വ്യക്തമാക്കി.
ഒന്റാരിയോയില്‍ താപനില ഉയരുന്നത് തുടരുകയാണെങ്കിൽ, ഒൻ്റാറിയോയിലെ മിക്ക സ്ഥലങ്ങളിലും അടുത്ത ആഴ്‌ചയും ഉയർന്ന അലര്‍ജി രോഗങ്ങള്‍ വര്‍ധിക്കുമെന്ന് ഓട്ടവയിലെ എയ്‌റോബയോളജി റിസർച്ച് ലബോറട്ടറീസ് ഡയറക്ടർ ഡാനിയൽ കോട്‌സ് പറയുന്നു. മരങ്ങള്‍, പുല്ല്, കളകള്‍ തുടങ്ങിയ ചില ചെടികളില്‍ നിന്നുള്ള പൊടിയാണ് പൂമ്പൊടികള്‍. ഇതില്‍ അലര്‍ജി ബാധിതരെ അസ്വസ്ഥമാക്കുന്ന പ്രോട്ടീന്‍ അടങ്ങിയിട്ടുണ്ട്. കഴിഞ്ഞ 20 വർഷമായി കാനഡയിലെ ചൂടുള്ള കാലാവസ്ഥ കാരണം പൂമ്പൊടി വർദ്ധിച്ചതായി അദ്ദേഹം പറഞ്ഞു. ചില സ്ഥലങ്ങളിൽ തണുപ്പിനെ തുടർന്ന് പൂമ്പൊടിയുടെ അളവ് കുറഞ്ഞെങ്കിലും കാനഡയുടെ വിവിധ ഭാഗങ്ങളിൽ അവ വീണ്ടും കുതിച്ചുയരുകയാണെന്ന് അദ്ദേഹം പറഞ്ഞു.
കാനഡയിലെ അലർജി ബാധിതരുടെ ഏറ്റവും മോശം സ്ഥലമാണ് ബ്രിട്ടീഷ് കൊളംബിയ. ജനുവരി അവസാനത്തോടെ പ്രവിശ്യയിൽ വളരെ നേരത്തെ അലർജി സീസൺ ആരംഭിച്ചതായി കോട്ട്സ് വിശദീകരിച്ചു. അതേസമയം, സീസണല്‍ അലര്‍ജിയുള്ളവര്‍ക്ക് കാനഡയില്‍ താമസിക്കാനുള്ള ഏറ്റവും നല്ല സ്ഥലങ്ങളിലൊന്നാണ് മാരിടൈംസ് എന്ന് കോട്ട്സ് പറയുന്നു.
ആരോഗ്യപരമായ പോഷകങ്ങളടങ്ങിയ ഭക്ഷണം കഴിക്കുക, നന്നായി ഉറങ്ങുക തുടങ്ങി ചിട്ടയായ ആരോഗ്യ ശീലങ്ങള്‍ പാലിച്ചാല്‍ അലര്‍ജിക്കെതിരെ ഒരു പരിധി വരെ പോരാടാമെന്നും അദ്ദേഹം കൂട്ടിച്ചേർത്തു.
