ഏറ്റവും പുതിയ ബീസി പിഎൻപി നറുക്കെടുപ്പിലൂടെ സ്ഥിരതാമസത്തിന് (PR) അപേക്ഷിക്കാൻ (ITAs) 67-ലധികം അപേക്ഷകർക്ക് ഇൻവിറ്റേഷൻ നൽകി. അടുത്തിടെ ബീ.സി. ഇൻവിറ്റേഷനുകളുടെ എണ്ണം കുറയ്ക്കുകയും കട്ട്ഓഫ് സ്കോർ വർധിപ്പിക്കുന്നായും കാണാം. 35 സാങ്കേതിക തൊഴിലുകൾക്കായുള്ള ടാർഗെറ്റുചെയ്‌തബീസി പിഎൻപി നറുക്കെടുപ്പിലൂടെ 34 ഇൻവിറ്റേഷൻ നൽകി. BC PNP സ്‌കിൽഡ് വർക്കർ, ഇൻ്റർനാഷണൽ ഗ്രാജുവേറ്റ് സ്ട്രീമുകൾ,എക്‌സ്‌പ്രസ് എൻട്രി ഓപ്‌ഷനുകൾ ഉൾപ്പെടെ ഇൻവിറ്റേഷൻ നൽകിയിട്ടുണ്ട്. മുൻ ബിസി പിഎൻപി ജനറൽ നറുക്കെടുപ്പുമായി താരതമ്യം ചെയ്യുമ്പോൾ കട്ട്ഓഫ് സ്കോർ അതേപടി തുടർന്നു.
ആരോഗ്യ സംരക്ഷണവുമായി ബന്ധപ്പെട്ട 39 തൊഴിലുകളിൽ അനുഭവപരിചയമുള്ള 14 പ്രൊഫൈലുകൾക്ക് സ്ഥിര താമസത്തിനായി അപേക്ഷിക്കാനുള്ള ഇൻവിറ്റേഷൻ നൽകി. കൂടാതെ ചൈൽഡ് ഹുഡ് എഡ്യുക്കേറ്റേഴ്സ് ആൻഡ് അസിസ്റ്റൻ്റുകളോ ഇൻസ്ട്രക്ടർമാരോ ആയി പരിചയമുള്ളവർക്കായി 9 ഇൻവിറ്റേഷൻ നൽകി. കൂടാതെ, 2023-ൻ്റെ അവസാനത്തിൽ അവതരിപ്പിച്ച ബ്രിട്ടീഷ് കൊളംബിയയുടെ ഏറ്റവും പുതിയ കാറ്റഗറി അടിസ്ഥാനമാക്കിയുള്ള നറുക്കെടുപ്പിനായി 25 നിർമ്മാണവുമായി ബന്ധപ്പെട്ട തൊഴിലുകളിൽ പരിചയമുള്ള 10അപേക്ഷകർക്കും ഇൻവിറ്റേഷൻ നൽകിയിട്ടുണ്ട്.