കാനഡ അമേരിക്കൻ സംസ്ഥാനമാകണമെന്ന പരാമർശം ആവർത്തിച്ച് ഡൊണാൾഡ് ട്രംപ്. എയർഫോഴ്സ് വൺ വിമാനത്തിൽ മാധ്യമപ്രവർത്തകരുമായി സംസാരിക്കവെയാണ് ട്രംപ് ഇക്കാര്യം വ്യക്തമാക്കിയത്. 
കാനഡയുടെ 90 ശതമാനം വ്യാപാരവും അമേരിക്കയുമായാണെന്നും അതേ സമയം വ്യാപാരക്കമ്മി വഴി മില്യൺ കണക്കിന് ഡോളറുകൾ അമേരിക്കയ്ക്ക് നഷ്ടമാവുകയും ചെയ്യുന്നു. അമേരിക്കയുടെ സംസ്ഥാനമായി മാറാത്ത പക്ഷം ഇനിയും കാനഡയ്ക്ക് വേണ്ടി ലക്ഷക്കണക്കിന് ഡോളർ ചെലവഴിക്കുന്നതിൽ അർത്ഥമില്ല. അമേരിക്കയുടെ ഭാഗമായാൽ കനേഡിയൻ ജനതയ്ക്ക് നികുതിയിയിനത്തിലും ഒട്ടേറെ പണം ലാഭിക്കാനാകും. അമേരിക്കൻ സംസ്ഥാനമായാൽ സൈനികമായി കാനഡ കൂടുതൽ സുരക്ഷിതമായിരിക്കുമെന്നും ട്രംപ് കൂട്ടിച്ചേർത്തു.