ഒൻ്റാറിയോയിലെ ചില പ്രദേശങ്ങളിൽ അഞ്ച് മുതൽ 10 സെൻ്റീമീറ്റർ വരെ മഞ്ഞ് വീഴ്ചയ്ക്ക് സാധ്യതയുണ്ടെന്ന് എൻവയോൺമെന്റ് കാനഡ മുന്നറിയിപ്പ്. ആഴ്‌ചയുടെ മധ്യത്തോടെ ഒൻ്റാറിയോയിലും ക്യൂബെക്കിലും ശീതകാല കൊടുങ്കാറ്റ് പ്രതീക്ഷിക്കുന്നതായും ഇത് നനഞ്ഞതും ഇടിമിന്നലിനു സമാനമായ അവസ്ഥയും ചൂടുള്ള താപനിലയും കൊണ്ടുവരുമെന്ന് കാലാവസ്ഥാ നിരീക്ഷകൻ മക്വെൻ പറഞ്ഞു. എന്നാൽ, വെള്ളിയാഴ്ച താപനില വീണ്ടും ഉയരുന്നതിന് മുമ്പ് വ്യാഴാഴ്ച താപനിലയിൽ കുറവുണ്ടാകുമെന്ന് പ്രവചിക്കുന്നു.
ആഴ്‌ചയുടെ മധ്യത്തിൽ ഉണ്ടായ അതേ പെട്ടെന്നുള്ള മാറ്റങ്ങളെ തുടർന്ന് ക്യൂബെക്കിൽ ഒരു ഫ്ലാഷ് ഫ്രീസ് മുന്നറിയിപ്പ് നൽകിയിട്ടുണ്ട്. ഏതാനും മണിക്കൂറുകൾക്കുള്ളിൽ താപനില 10 മുതൽ 12 ഡിഗ്രി സെൽഷ്യസ് വരെ കുറയുമെന്ന് മക്വെൻ പറഞ്ഞു.

പ്രേരി, ആൽബർട്ട

കാനഡയുടെ പടിഞ്ഞാറ് ഭാഗത്തുള്ള ആൽബെർട്ടയിലും പ്രേരിയുടെ മധ്യഭാഗത്തും 10 മുതൽ 25 സെൻ്റീമീറ്റർ വരെ മഞ്ഞും വീശുന്ന മഞ്ഞും പ്രതീക്ഷിക്കാം. ഇന്ന് രാവിലെ മഞ്ഞുവീഴ്‌ച അവസാനിക്കുമെന്ന് പ്രതീക്ഷിക്കുന്നു, അതേസമയം തണുത്ത കാറ്റ് നിലനിൽക്കുമെന്ന് മക്‌വെൻ പറയുന്നു. വടക്കൻ പ്രേരികളിൽ, കാറ്റിൻ്റെ തണുപ്പ് കുറയുന്നതിന് മുമ്പ് താപനില -45 മുതൽ -50 വരെ എത്തും.

വടക്കൻ കാനഡ

ബീ.സി. മലനിരകളിൽ ശൈത്യ കാലാവസ്ഥയുടെ മുന്നറിയിപ്പ് നൽകിയിട്ടുണ്ട്. ഇന്ന് രാവിലെ അവസാനിക്കുന്ന 10 മുതൽ 15 സെന്റീമീറ്റർ വരെ മഞ്ഞും ശക്തമായ കാറ്റും പ്രതീക്ഷിക്കുന്നു.
ഇന്ന് രാവിലെ വരെ അറ്റ്ലാന്റിക് കാനഡ, നോർത്ത് വെസ്റ്റ് ടെറിറ്ററീസ്, യൂക്കോൺ എന്നിവിടങ്ങളിൽ യാതൊരു കാലാവസ്ഥാ മുന്നറിയിപ്പുകളും ഇല്ല. പ്രദേശം -55 ന് സമീപം തണുപ്പ് അനുഭവപ്പെടുന്നതിനാൽ നുനാവുട്ടിൽ മുന്നറിയിപ്പ് നിലവിലുണ്ട്.