ഏപ്രിൽ 24-ന് നടന്ന ഏറ്റവും പുതിയ എക്‌സ്‌പ്രസ് എൻട്രി നറുക്കെടുപ്പിലൂടെ ഫ്രഞ്ച് ഭാഷാ പ്രാവീണ്യമുള്ള 1400 ഉദ്യോ​ഗാർത്ഥികൾക്ക് സ്ഥിര താമസത്തിനായി അപേക്ഷിക്കാൻ (ITA) ഇൻവിറ്റേഷൻ നൽകി ഐആർസിസി. മുൻ നറുക്കെടുപ്പുമായി താരതമ്യപ്പെടുത്തുമ്പോൾ ഇൻവിറ്റേഷൻ എണ്ണത്തിൽ നേരിയ കുറവുണ്ടായതിനാൽ കോംപ്രിഹെൻസീവ് റാങ്കിംഗ് സിസ്റ്റം (CRS) സ്‌കോർ 22 പോയിൻ്റ് വർദ്ധിച്ച് 410 ആയി.
ഏപ്രിൽ 23-ന് നടന്ന എക്‌സ്‌പ്രസ് എൻട്രി നറുക്കെടുപ്പിലൂടെ സ്ഥിരതാമസത്തിന് അപേക്ഷിക്കാൻ (ITA) 2,095 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകിയിരുന്നു. കോംപ്രിഹെൻസീവ് റാങ്കിംഗ് സിസ്റ്റം (CRS) 529 സ്കോർ ഉള്ളവർക്കാണ് ഇൻവിറ്റേഷൻ നൽകിയത്. ഏപ്രിൽ 10 ന് നടന്ന പൊതു നറുക്കെടുപ്പിലൂടെ 1,280 ഉദ്യോ​ഗാർത്ഥികൾക്ക് സ്ഥിരതാമസത്തിന് ഇൻവിറ്റേഷൻ നൽകിയിരുന്നു. കൂടാതെ ഏപ്രിൽ 11-ന്, 2024-ലെ ആദ്യ STEM നറുക്കെടുപ്പിലൂടെ 4,500 ഉദ്യോ​ഗാർത്ഥികൾക്ക് സ്ഥിരതാമസത്തിന് ഇൻവിറ്റേഷൻ നൽകിയിരുന്നു.