ബ്രിട്ടീഷ് കൊളംബിയ, ആൽബെർട്ട, മാനിറ്റോബ, സസ്‌കാച്ചെവൻ, നോർത്ത് വെസ്റ്റ് ടെറിട്ടറികൾ എന്നിവയുടെ ചില ഭാഗങ്ങളിൽ കാട്ടുതീയിൽ നിന്നുള്ള പുക കാരണം വായു ഗുണനിലവാര മുന്നറിയിപ്പ് നൽകി എൻവയോൺമെന്റ് കാനഡ. പുക കിഴക്കോട്ട് നീങ്ങുമെന്ന് മുന്നറിയിപ്പിൽ പറയുന്നു.
വായുവിൻ്റെ ഗുണനിലവാരവും, ദൃശ്യപരത കുറയുന്നതിനും, ​ഗുരുതരമായ ആരോ​ഗ്യ പ്രശ്നങ്ങൾക്ക് കാരണമാകുമെന്നും എൻവയോൺമെന്റ് കാനഡയുടെ പ്രത്യേക വായു ഗുണനിലവാര പ്രസ്താവനയിൽ ‌പറയുന്നു. വായു ഗുണനിലവാര മുന്നറിയിപ്പുകൾ നിലവിൽ ഫോർട്ട് നെൽസൺ പട്ടണത്തിന് ചുറ്റുമുള്ള വടക്കുകിഴക്കൻ ബ്രിട്ടീഷ് കൊളംബിയിലും ആൽബെർട്ടയിൽ, ഫോർട്ട് മക്മുറെ, ഹൈ പ്രേരി, ഹൈ ലെവൽ, ഗ്രാൻഡെ പ്രേരി, ഫോർട്ട് ചിപെവ്യൻ തുടങ്ങിയ കമ്മ്യൂണിറ്റികൾ ഉൾപ്പെടെ, പ്രവിശ്യയുടെ വടക്കൻ പകുതി ഭാ​ഗങ്ങളും മുന്നറിയിപ്പിൻ കീഴിലാണ്.
ലാ റോഞ്ച്, കംബർലാൻഡ് ഹൗസ് തുടങ്ങിയ കമ്മ്യൂണിറ്റികൾ, ഫ്ലിൻ ഫ്ലോൺ, ദി പാസ് തുടങ്ങിയ അയൽപക്കത്തുള്ള മാനിറ്റോബ നഗരങ്ങൾ ഉൾപ്പെടെയുള്ള സെൻട്രൽ സസ്‌കാച്ചെവാനെയും മുന്നറിയിപ്പ് നൽകിയിട്ടുണ്ട്. വടക്കുപടിഞ്ഞാറൻ പ്രദേശങ്ങളിൽ, യെല്ലോനൈഫിന് തെക്ക് ഭാഗത്തുള്ള ഹേ നദിയും ഫോർട്ട് പ്രൊവിഡൻസ് പ്രദേശങ്ങളും ‌ഉൾപ്പെടെ മുന്നറിയിപ്പിലാണ്.
വടക്കുകിഴക്കൻ ബീസിയിൽ കാറ്റ് മണിക്കൂറിൽ 50 മുതൽ 60 കിലോമീറ്റർ വരെ വർദ്ധിക്കുന്നതിനാൽ പുക നിറഞ്ഞ അവസ്ഥ ബുധനാഴ്ച വരെ തുടരും.