ഗ്രേറ്റർ ടൊറൻ്റോയിലെ പല ഭാഗങ്ങളിലും ശൈത്യകാല കാലാവസ്ഥാ യാത്രാ മുന്നറിയിപ്പ് നൽകി. ചില പ്രദേശങ്ങളിൽ 2 മുതൽ 5 സെൻ്റീമീറ്റർ വരെ മഞ്ഞ് വീഴ്ചയുണ്ടാകുമെന്ന് എൻവയോൺമെൻ്റ് കാനഡ മുന്നറിയിപ്പിൽ പറയുന്നു.
ന്യൂമാർക്കറ്റ്, ജോർജിന എന്നിവയുൾപ്പെടെ യോർക്ക് റീജിയൻ്റെ ഭാഗങ്ങൾക്കും പിക്കറിംഗ്, ഒഷാവ, അക്‌സ്‌ബ്രിഡ്ജ്, ബീവർട്ടൺ എന്നിവയുൾപ്പെടെയുള്ള ഡർഹാം റീജിയണിൻ്റെ ചില ഭാഗങ്ങൾക്കും മുന്നറിയിപ്പ് ബാധകമാണ്.
മഞ്ഞുവീഴ്ചയുടെ ഭൂരിഭാഗവും ഇന്ന് രാവിലെ ആയിരിക്കും. മാറിവരുന്ന റോഡ് സാഹചര്യങ്ങൾക്കനുസൃതമായി നിങ്ങളുടെ ഡ്രൈവിംഗ് ക്രമീകരിക്കാൻ തയ്യാറാകുകണമെന്നും വഴുവഴുപ്പുള്ള സാഹചര്യങ്ങളിൽ വാഹനങ്ങളുടെ വേഗത കുറയ്ക്കുകമെന്നും മുന്നറിയിപ്പിൽ പറയുന്നു.
മിക്ക സ്‌കൂളുകളും തുറന്നിരിക്കുകയാണെങ്കിലും, സിംകോ കൗണ്ടിയിലെ ചില സ്‌കൂൾ ബസുകൾ മോശം കാലാവസ്ഥ കാരണം റദ്ദാക്കാൻ സാധ്യതയുണ്ട്.
അതേസമയം, ടൊറൻ്റോയിൽ ഇന്ന് 40 ശതമാനം മഴയ്‌ക്ക് സാധ്യതയുണ്ട്. ഉയർന്ന താപനില 3 ഡിഗ്രി സെൽഷ്യസ് പ്രതീക്ഷിക്കുന്നതായും നാളെ 60 ശതമാനം മഴയ്‌ക്കോ ശക്തമായ കാറ്റിനും സാധ്യയുണ്ട്.