കൊളംബോ: ശ്രീലങ്കയ്ക്കെതിരായ ടി20 പരമ്പരയില് ഇന്ത്യയ്ക്ക് വിജയത്തുടക്കം. പരമ്പരയിലെ ആദ്യ മത്സരത്തില് 43 റണ്സിനാണ് സൂര്യകുമാര് യാദവും സംഘവും ലങ്കയെ തകര്ത്തുവിട്ടത്. ഇന്ത്യ ഉയര്ത്തിയ 214 റണ്സ് വിജയലക്ഷ്യത്തിലേക്ക് ബാറ്റേന്തിയ ലങ്ക 19.2 ഓവറില് 170 റണ്സിന് ഓള്ഔട്ടായി. ഇതോടെ ക്യാപ്റ്റനായി സൂര്യകുമാര് യാദവിനും മുഖ്യപരിശീലകനായി ഗൗതം ഗംഭീറിനും വിജയത്തോടെ അരങ്ങേറാന് സാധിച്ചു.
