റഷ്യയില് സൈനിക വിമാനം തകര്ന്ന് വീണ് 74 പേര് മരിച്ചു. യുക്രൈന് യുദ്ധത്തടവുകാരുമായി പോയ ഒരു റഷ്യന് ഇല്യുഷിന് Il-76 സൈനിക ഗതാഗത വിമാനമാണ് അപകടത്തില്പ്പെട്ടത്. യുക്രൈന് അതിര്ത്തിക്ക് സമീപം വെച്ചാണ് വിമാനം തകര്ന്നുവീണതെന്ന് പ്രതിരോധ മന്ത്രാലയം വ്യക്തമാക്കി. അപകടസമയത്ത് ആറ് ജീവനക്കാരും മൂന്ന് ഗാര്ഡുകളും ഉള്പ്പെടെ 74 പേരായിരുന്നു വിമാനത്തില് ഉണ്ടായിരുന്നത്. തടവുകാരെ മാറ്റിപ്പാര്പ്പിക്കാനുള്ള യാത്രക്കിടെയാണ് സംഭവം. അപകട കാരണത്തെക്കുറിച്ച് വിവരങ്ങളൊന്നും ലഭിച്ചിട്ടില്ല.
ഇതിനിടെ മൂന്ന് മിസൈലുകള് ഉപയോഗിച്ചാണ് വിമാനം തകര്ത്തതെന്ന് റഷ്യന് പാര്ലമെന്റിലെ നിയമനിര്മ്മാതാവും റിട്ടയേര്ഡ് ജനറലുമായ ആന്ദ്രേ കാര്ത്തപോളോവ് പാര്ലമെന്റ് സമ്മേളനത്തിനിടെ പറഞ്ഞു. തനിക്ക് ലഭിച്ച വിവരങ്ങളുടെ ഉറവിടം എന്താണെന്ന് അദ്ദേഹം വെളിപ്പെടുത്തിയില്ല.
റഷ്യയും യുക്രൈനും പതിവായി യുദ്ധത്തടവുകാരെ മാറ്റുന്നുണ്ട്. അതിനാല് കൊല്ലപ്പെട്ടവരെ സംബന്ധിച്ച് ആദ്യം വിവരങ്ങള് ലഭിച്ചിരുന്നില്ല. ഇതിനിടെ അപകട ദൃശ്യങ്ങള് പുറത്തുവന്നു. ബെല്ഗൊറോഡ് മേഖലയിലെ യാബ്ലോനോവോവിന് സമീപം ഒരു വലിയ വിമാനം നിലത്തേക്ക് വീഴുന്നതും വലിയ അഗ്നിഗോളമായി പൊട്ടിത്തെറിക്കുന്നതും വീഡിയോയില് കാണാം.
