കാനഡയിലെ ഏറ്റവും കുറഞ്ഞ വരുമാനമുള്ള തൊഴിലാളികളെ സഹായിക്കുന്നതിനുള്ള അഡ്വാൻസ്‌ഡ് കാനഡ വർക്കേഴ്‌സ് ബെനിഫിറ്റ് ജൂലൈ 12-ന് വിതരണം ചെയ്യും.
യോഗ്യരായ അവിവാഹിതരായ തൊഴിലാളികൾക്കും കുടുംബങ്ങൾക്കും അവരുടെ വരുമാനത്തിനനുസരിച്ച് മൂന്ന് അടിസ്ഥാന ത്രൈമാസ കാനഡ വർക്കേഴ്സ് ബെനിഫിറ്റ് പേയ്‌മെൻ്റുകൾക്ക് അർഹതയുണ്ട്. ഡിസംബർ 31-ന് നിങ്ങളുടെ പ്രായം 19 വയസോ അതിൽ കൂടുതലോ പ്രായമുള്ള പങ്കാളിയോടൊപ്പമോ പൊതു നിയമ പങ്കാളിയോടോ കുട്ടിയോടോപ്പവും താമസിക്കുന്നവർക്ക് ആനുകൂല്യത്തിന് അർഹതയുണ്ട്.
വർധനയോടെ അവിവാഹിതരായ കനേഡിയന്മാർക്ക് $1,518-ഉം യോ​ഗ്യരായ ഓരോ കുടുംബങ്ങൾക്കും അവരുടെ വരുമാനത്തിനനുസരിച്ച് $2,616 വരെ ലഭിക്കും. കൂടാതെ, അവരുടെ വാർഷിക വരുമാനത്തെ അടിസ്ഥാനമാക്കി, യോഗ്യരായ കനേഡിയൻ തൊഴിലാളികൾക്ക് $737 വരെ ഡിസബിലിറ്റി സപ്ലിമെൻ്റിന് അർഹതയുണ്ട്.
അവിവാഹിതരായ കനേഡിയന്റെ വാർഷിക വരുമാനം $23,495-ൽ കുറവാണെങ്കിൽ അഡ്വാൻസ്‌ഡ് കാനഡ വർക്കേഴ്‌സ് ബെനിഫിറ്റ് ആനുകൂല്യം $1,518 ലഭിക്കും. വരുമാനം വർദ്ധിക്കുന്നതിനനുസരിച്ച് ആനുകൂല്യം കുറയും. വാർഷിക വരുമാനം 33,015 ഡോളറിൽ കൂടുതലാണെങ്കിൽ ബെനിഫിറ്റ് അർഹതയുണ്ടാകില്ല.
$26,805-ൽ താഴെ വരുമാനമുള്ള കുടുംബങ്ങൾക്ക് 2,616 ഡോളർവരെയുള്ള ആനുകൂല്യത്തിന് അർഹതയുണ്ട്. വരുമാനം വർദ്ധിക്കുന്നതിനനുസരിച്ച് ലഭിക്കുന്ന തുകയും കുറയും. വരുമാനം 43,212 ഡോളറിൽ കൂടുതലാണെങ്കിൽ ആനുകൂല്യത്തിന് അർഹതയുണ്ടായിരിക്കില്ല.