2022-ൽ കാനഡയിൽ ഏറ്റവും കൂടുതൽ ദാരിദ്ര്യം അനുഭവിച്ചത് ടൊറൻ്റോയിലെ കുട്ടികളും കുടുംബങ്ങളുമാണെന്ന് റിപ്പോർട്ട്. നഗരത്തിലെ ദരിദ്രരായ കുട്ടികളുടെ എണ്ണം തുടർച്ചയായി രണ്ട് വർഷം റെക്കോർഡ് ഉയർന്നതായും ചൈൽഡ് ആൻഡ് ഫാമിലി റിപ്പോർട്ട് പറയുന്നു. നഗരത്തിലെ ഒമ്പത് വാർഡുകളിൽ 30 ശതമാനമോ അതിലധികമോ കുട്ടികളും കുടുംബങ്ങളും ദാരിദ്ര്യത്തിലാണ് കഴിയുന്നതെന്ന് റിപ്പോർട്ട് ഓ‌ർമ്മപ്പെടുത്തുന്നു.
2020 നും 2021 നും ഇടയിൽ, ടൊറൻ്റോയിലെ കുട്ടികളുടെ ദാരിദ്ര്യം 16.8 ശതമാനത്തിൽ നിന്ന് 20.6 ശതമാനമായി വർദ്ധിച്ചു. ഇത് ഒരു വർഷത്തിലെ ഏറ്റവും ഉയർന്ന നിരക്കാണ്. 2021 നും 2022 നും ഇടയിൽ ആ റെക്കോർഡ് തകർത്ത് നിരക്ക് 4.7 ശതമാനം പോയിൻറ് ഉയർന്ന് 25.3 ശതമാനത്തിലെത്തി, അതായത് 117,890 കുട്ടികൾ ദാരിദ്ര്യത്തിൽ കഴിയുന്നതായി സാരം.
നഗരത്തിൻ്റെ ഈസ്റ്റ് ഏരിയയിൽ പ്രത്യേകിച്ച് കുട്ടികളുടെ ദാരിദ്ര്യം ബാധിച്ചതായി റിപ്പോർട്ട് കണ്ടെത്തി. ടൊറൻ്റോ സെൻ്ററിൽ 36.6 ശതമാനം കുട്ടികൾ ദാരിദ്ര്യം അനുഭവിക്കുന്നു. കുട്ടികളുടെ ദാരിദ്ര്യ നിരക്ക് 34.1 ശതമാനവുമായി സ്കാർബറോ-ഗിൽഡ്‌വുഡ് രണ്ടാം സ്ഥാനത്തെത്തി, ഹംബർ റിവർ-ബ്ലാക്ക് ക്രീക്ക് 33.9 ശതമാനവുമായി മൂന്നാം സ്ഥാനത്തും.