ഏറ്റവും പുതിയ സസ്‌കാച്വാൻ -എസ്ഐഎൻപി നറുക്കെടുപ്പിലൂടെ ഒക്യുപ്പേഷൻ-ഇൻ-ഡിമാൻഡ്, എക്‌സ്‌പ്രസ് എൻട്രി വിഭാഗങ്ങൾക്ക് കീഴിൽ സ്ഥിര താമസത്തിനായി (പിആർ) 120 അപേക്ഷകർക്ക് ഇൻവിറ്റേഷൻ നൽകി. 88 ഉം അതിനു മുകളിൽ സ്‌കോറുകളുള്ള SINP എക്‌സ്‌പ്രഷൻ ഓഫ് ഇൻ്ററസ്റ്റ് (EOI) അപേക്ഷകർക്കാണ് ഇൻവിറ്റേഷൻ നൽകിയത്.
ഈ വർഷത്തെ രണ്ടാമത്തെ SINP നറുക്കെടുപ്പാണിത്. മാർച്ച് 7-ന് നടന്ന SINP നറുക്കെടുപ്പിലൂടെ രണ്ട് വിഭാഗങ്ങളിലായി 35 അപേക്ഷകർക്ക് ഇൻവിറ്റേഷൻ നൽകിയിരുന്നു.
കാനഡയ്ക്ക് പുറത്ത് താമസിക്കുന്ന ഉദ്യോഗാർത്ഥികൾക്ക് രണ്ട് വിഭാഗങ്ങൾക്കും കീഴിൽ SINP വഴി നേരിട്ട് അപേക്ഷിക്കാം. കൂടാതെ, എക്സ്പ്രസ് എൻട്രി ഇല്ലാതെ SINP-ക്ക് അപേക്ഷിക്കാൻ തയ്യാറുള്ള വ്യക്തികൾക്ക് തൊഴിൽ-ഇൻ-ഡിമാൻഡ് വിഭാഗത്തിന് കീഴിൽ അപേക്ഷിക്കാനും സാധിക്കും.