ദേശീയ-സുരക്ഷാ അപകടസാധ്യതകൾ ചൂണ്ടിക്കാട്ടി ചൈനയുടെ ഉടമസ്ഥതയിലുള്ള ടിക് ടോക്കിൻ്റെ രാജ്യത്തെ ബിസിനസ് പിരിച്ചുവിടാൻ കാനഡ ബുധനാഴ്ച ഉത്തരവിട്ടു, എന്നാൽ ഹ്രസ്വ-വീഡിയോ ആപ്പിലേക്കുള്ള കാനഡക്കാരുടെ ആക്‌സസ് സർക്കാർ തടയുന്നില്ലെന്നും ഉത്തരവിൽ വ്യക്തമാക്കിയിട്ടുണ്ട്.“TikTok Technology Canada Inc സ്ഥാപിക്കുന്നതിലൂടെ കാനഡയിലെ ByteDance Ltd-ൻ്റെ പ്രവർത്തനങ്ങളുമായി ബന്ധപ്പെട്ട പ്രത്യേക ദേശീയ സുരക്ഷാ അപകടസാധ്യതകൾ പരിഹരിക്കാൻ സർക്കാർ നടപടിയെടുക്കുന്നു എന്നാണ് ഇന്നൊവേഷൻ മന്ത്രി ഫ്രാങ്കോയിസ്-ഫിലിപ്പ് ഷാംപെയ്ൻ പ്രസ്താവനയിൽ വ്യക്തമാക്കിയത്.കാനഡയിൽ നിക്ഷേപം നടത്താനും വിപുലീകരിക്കാനുമുള്ള ടിക്ടോക്കിൻ്റെ പദ്ധതി ഒട്ടാവ കഴിഞ്ഞ വർഷം മുതൽ അവലോകനം ചെയ്യാൻ തുടങ്ങിയിരുന്നു. ടിക്ടോക്കിൻ്റെ ചൈനീസ് മാതൃ കമ്പനിയാണ് ബൈറ്റ് ഡാൻസ്.
കനേഡിയൻ നിയമപ്രകാരം, ടിക് ടോക്ക് പോലെയുള്ള വിദേശ നിക്ഷേപങ്ങളിൽ നിന്ന് ദേശീയ സുരക്ഷയ്ക്ക് ഉണ്ടാകാനിടയുള്ള അപകടസാധ്യതകൾ സർക്കാരിന് വിലയിരുത്താനാകും. ഇത്തരം നിക്ഷേപങ്ങളുടെ വിശദാംശങ്ങൾ സർക്കാർ വെളിപ്പെടുത്തുന്നതിൽ നിന്ന് നിയമം തടയുകയും ചെയ്യുന്നു.“അവലോകനത്തിനിടയിൽ ശേഖരിച്ച വിവരങ്ങളുടെയും തെളിവുകളുടെയും അടിസ്ഥാനത്തിലാണ് തീരുമാനമെന്നും കാനഡയുടെ സുരക്ഷാ, രഹസ്യാന്വേഷണ വിഭാഗത്തിൻ്റെയും മറ്റ് സർക്കാർ പങ്കാളികളുടെയും ഉപദേശത്തിൻ്റെ അടിസ്ഥാനത്തിലാണ് ഇത് എന്നും” ഷാംപെയ്ൻ കൂട്ടിച്ചേർത്തു.എന്നാൽ ബുധനാഴ്ച പതിവ് പ്രവൃത്തി സമയത്തിന് ശേഷം പുറത്തു വന്ന ഇമെയിൽ അഭ്യർത്ഥനയോട് ടിക്ടോക്ക് ഉടൻ പ്രതികരിച്ചില്ല.
അതേസമയം സ്വകാര്യതയ്ക്കും സുരക്ഷയ്ക്കും അസ്വീകാര്യമായ തലത്തിലുള്ള അപകടസാധ്യതകൾ ഉണ്ടെന്ന് വ്യക്തമാക്കി കാനഡ, സർക്കാർ നൽകിയ ഉപകരണങ്ങളിൽ നിന്ന് ടിക്ടോക്ക് ആപ്പ് നിരോധിച്ചു.പ്രസിഡൻ്റ് ജോ ബൈഡൻ ഒപ്പിട്ട നിയമം തടയണമെന്ന് ആവശ്യപ്പെട്ട് ടിക് ടോക്കും ബൈറ്റ്ഡാൻസും മെയ് മാസത്തിൽ യുഎസ് ഫെഡറൽ കോടതിയിൽ കേസ് നൽകിയിരുന്നു.ഏപ്രിൽ 24-ന് ബൈഡൻ ഒപ്പിട്ട നിയമപ്രകാരം, ദേശീയ സുരക്ഷാ കാരണങ്ങളാൽ ചൈനീസ് അധിഷ്‌ഠിത ഉടമസ്ഥാവകാശം അവസാനിപ്പിക്കാൻ ആഗ്രഹിക്കുന്നുവെന്നും എന്നാൽ ടിക്‌ടോക്ക് നിരോധനമല്ലെന്നും ആണ് വൈറ്റ് ഹൗസ് വ്യക്തമാക്കുന്നത്.