ഇ-കോളൈ മലിനീകരണവുമായി ബന്ധപ്പെട്ട് വിവിധ ഓർഗാനിക് ക്യാരറ്റ് ബ്രാൻഡുകൾ തിരിച്ചുവിളിച്ച് കനേഡിയൻ ഫുഡ് ഇൻസ്പെക്ഷൻ ഏജൻസി (CFIA). കോംപ്ലിമെൻ്റ്സ്, പ്രസിഡൻറ്സ് ചോയ്സ്, ബണ്ണി-ലവ്, കാൽ-ഓർഗാനിക് ബ്രാൻഡുകളിലെ ഉൽപന്നങ്ങളാണ് തിരിച്ചുവിളിച്ചിരിക്കുന്നത്.
ഇത്തരം ഉൽപന്നങ്ങൾ യു.എസ് സെൻ്റർസ് ഫോർ ഡിസീസ് കൺട്രോൾ ആൻഡ് പ്രിവൻഷനും തിരിച്ചുവിളിച്ച് 24 മണിക്കൂറിന് ശേഷമാണ് സിഎഫ്ഐഎ തിരിച്ചുവിളിക്കുന്നത്. ഇ-കോളൈ അണുബാധമൂലം ഒരാൾ മരിക്കുകയും 39 പേർക്ക് രോ​ഗം സ്ഥിരീകരിക്കുകയും ചെയ്തിട്ടുണ്ട്.
കാലിഫോർണിയയിലെ ബേക്കേഴ്‌സ്‌ഫീൽഡിലെ ഗ്രിംവേ ഫാമിലാണ് കാരറ്റ് കൃഷി ചെയ്യുന്നത്. കാലിഫോർണിയയിലെ വരൾച്ച യു.എസ്. സംസ്ഥാനത്തെ ഒന്നിലധികം വിളകളെ ബാധിക്കുന്നതിനാലാണ് ഇ-കോളൈ പൊട്ടിപ്പുറപ്പെടാൻ സാധ്യതയെന്ന് വിദ​ഗ്ധർ വ്യക്തമാക്കിയിട്ടുണ്ട്.
തിരിച്ചുവിളിച്ച ബാഗ് കാരറ്റ് കഴിക്കരുതെന്നും റഫ്രിജറേറ്ററുകളോ ഫ്രീസറുകളോ പരിശോധിച്ച് വിവരണത്തിന് അനുയോജ്യമായ ഏതെങ്കിലും കാരറ്റ് വലിച്ചെറിയണമെന്നും ഉപഭോക്താക്കൾക്ക് മുന്നറിയിപ്പ് നൽകുന്നു.