ബലാത്സംഗക്കേസിൽ നടൻ സിദ്ദിഖിന് താല്ക്കാലിക ആശ്വാസം. സിദ്ദിഖിൻ്റെ അറസ്റ്റ് രണ്ടാഴ്ചത്തേക്ക് സുപ്രീം കോടതി തടഞ്ഞു. 365 സിനിമയിൽ അഭിനയിച്ചെന്നും 67 വയസായെന്നും സിദ്ദിഖ് കോടതിയിൽ വാദിച്ചു. തനിക്കെതിരെയുള്ള പരാതി ഏറെ വൈകിയാണ് നൽകിയതെന്നും സിദ്ദിഖ് കോടതിയിൽ വാദിച്ചു.
കേരള ഹൈക്കോടതി മുൻകൂർ ജാമ്യാപേക്ഷ തള്ളിയതിനെ തുടർന്ന് സിദ്ദിഖ് കഴിഞ്ഞ 6 ദിവസമായി ഒളിവിലാണ്. ജസ്റ്റിസ് ബേല എം ത്രിവേദി, സതീഷ് ചന്ദ്ര ശർമ്മ എന്നിവരുടെ ബെഞ്ചാണ് ഹർജി പരിഗണിച്ചത്.
കേരളത്തിനായി അഡീഷണൽ സോളിസിറ്റർ ജനറൽ ഐശ്വര്യ ഭാട്ടി ഹാജരായി. സിദ്ദിഖിനായി മുതിർന്ന അഭിഭാഷകൻ മുകുൾ റോത്തഗിയും ഹാജരായി.