മെയ് മാസത്തെ ആദ്യ എക്‌സ്‌പ്രസ് എൻട്രി നറുക്കെടുപ്പിലൂടെ സ്ഥിര താമസത്തിനായി അപേക്ഷിക്കാൻ (ITA) 2,985 അപേക്ഷകർക്ക് ഇൻവിറ്റേഷൻ നൽകി ഐആർസിസി. കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോർ 676 ഉള്ള ഉദ്യോ​ഗാർത്ഥികൾക്കാണ് ഇൻവിറ്റേഷൻ നൽകിയത്.
മുൻ എക്‌സ്‌പ്രസ് എൻട്രി നറുക്കെടുപ്പ് ഫ്രഞ്ച് ഭാഷാ പ്രാവീണ്യമുള്ള പ്രൊഫൈലുകളെ ലക്ഷ്യമിട്ട് ഏപ്രിൽ 24നായിരുന്നു. കാറ്റഗറി അടിസ്ഥാനമാക്കിയുള്ള എക്‌സ്‌പ്രസ് എൻട്രി സെലക്ഷൻ മാനദണ്ഡം 2023 മെയ് മാസത്തിൽ പ്രഖ്യാപിച്ചതിന് ശേഷമുള്ള ആദ്യ എക്‌സ്‌പ്രസ് എൻട്രി നറുക്കെടുപ്പാണിത്.
ഉയർന്ന ഡിമാൻഡുള്ളതും കാനഡയുടെ സാമ്പത്തിക മുൻഗണനകൾക്ക് അനുസൃതവുമായ ഹ്യൂമൻ ക്യാപിറ്റൽ ആട്രിബ്യൂട്ടുകളോ കഴിവുകളോ ഉള്ള എക്‌സ്‌പ്രസ് എൻട്രി ഉദ്യോഗാർത്ഥികളെ തിരഞ്ഞെടുക്കുക എന്നതാണ് ഈ നറുക്കെടുപ്പുകളുടെ ലക്ഷ്യം.STEM തൊഴിലുകൾ പോലെയുള്ള പ്രത്യേക തൊഴിലുകളിലേക്ക് ശ്രദ്ധ കേന്ദ്രീകരിച്ച് തന്ത്രപ്രധാനമായ വ്യവസായങ്ങളെ ശക്തിപ്പെടുത്താനും തൊഴിൽ വിപണി ആവശ്യങ്ങൾ നിറവേറ്റാനും സർക്കാർ ശ്രമിക്കുന്നു.