കൂടുതൽ കനേഡിയന്മാരെ നിയമിക്കാൻ തൊഴിലുടമകളെ പ്രോത്സാഹിപ്പിക്കുന്നതിനായി താൽക്കാലിക വിദേശ തൊഴിലാളികളുടെ മിനിമം മണിക്കൂർ വേതനം വർധിപ്പിക്കാൻ ഫെഡറൽ സർക്കാർ. നവംബർ 8 മുതൽ ഈ മാറ്റം നിലവിൽ വരും.
ഇതോടെ താൽക്കാലിക വിദേശ തൊഴിലാളികളുടെ മിനിമം മണിക്കൂർ വേതനം 20 ശതമാനം വർധിപ്പിച്ചേക്കും. ഇതുമായി ബന്ധപ്പെട്ട പ്രഖ്യാപനം ചൊവ്വാഴ്ച തൊഴിൽ മന്ത്രി റാണ്ടി ബോയ്‌സോണോൾട്ട് നടത്തിയേക്കും.
ലേബർ മാർക്കറ്റ് ഇംപാക്ട് അസസ്‌മെൻ്റ് (LMIA) സ്ട്രീം പ്രകാരം, ഒരു പെർമിറ്റിന് യോഗ്യത നേടുന്നതിന് തൊഴിലുടമ അവരുടെ പ്രവിശ്യയിലെ ശരാശരി വരുമാനമെങ്കിലും നൽകണം. തൊഴിലുടമയ്ക്ക് ഒരു താൽക്കാലിക വിദേശ തൊഴിലാളിയെ നിയമിക്കുന്നതിന് LMIA ആവശ്യമാണ്, കൂടാതെ അവർ നികത്തുന്ന തസ്തികയിൽ മതിയായ മതിയായ കനേഡിയൻ തൊഴിലാളികൾ ഇല്ലെന്ന് തെളിയിക്കുകയും ചെയ്യണം. ഒൻ്റാറിയോയിൽ, ഉയർന്ന ശരാശരി മണിക്കൂർ വേതനം $28.39 ആണ്, അതിനാൽ മാറ്റം പ്രാബല്യത്തിൽ വന്നാൽ ഒരു തൊഴിലുടമ മണിക്കൂറിന് $34.07 തൊഴിലാളികൾക്ക് നൽകേണ്ടി വരും.
പുതിയ മാറ്റം ഉയർന്ന വേതന സ്ട്രീമിന് കീഴിലുള്ള 34,000 തൊഴിലാളികളെ ബാധിക്കുമെന്ന് റിപ്പോർട്ടുകൾ പറയുന്നു. എന്നാൽ നിലവിലുള്ള വർക്ക് പെർമിറ്റുകളെ ബാധിക്കില്ലെന്നും ഉദ്യോഗസ്ഥർ പറഞ്ഞു.