ഔബർ ആപ്ലിക്കേഷനിലേക്ക് പുതിയ ഫീച്ചറുമായി കമ്പനി. ഡ്രൈവർമാർക്ക് പ്രത്യേകമായി പ്രയോജനപ്പെടുന്ന ഫീച്ചറുകൾ ഉൾപ്പെടെ ഉണ്ടായിരിക്കുമെന്ന് അതികൃതർ കൂട്ടിച്ചേർത്തു. 2024 ന്റെ അവസാനത്തോടെ ബ്രിട്ടീഷ് കൊളംബിയയിലും ഒന്റാറിയോയിലും ആരംഭിക്കുന്ന ഈ പുതിയ സവിശേഷതയിൽ, ഏകദേശ ഫെയർ, ലക്ഷ്യസ്ഥാനവും എന്നിവ ഉൾപ്പെടുന്നു. ഇതിനർത്ഥം ഡ്രൈവർമാർക്ക് യാത്രക്കാരുടെ ഒരു ഡ്രോപ്പ്-ഓഫ് ലൊക്കേഷനുകൾ മുൻകൂട്ടി കാണാനാകും, ഇത് പിക്ക്-അപ്പ് ലൊക്കേഷനിലെത്താനുള്ള ദൂരത്തെ അടിസ്ഥാനമാക്കി റൈഡ് സ്വീകരിക്കണമോ വേണ്ടയോ എന്ന് ഡ്രൈവർമാർക്ക് തീരുമാനമെടുക്കാം.
യാത്രയുടെ ദൂരവും ഫെയറും മുൻകൂട്ടി അറിഞ്ഞ്, ഡ്രൈവർമാർക്ക് തങ്ങൾക്ക് ലാഭകരമായ യാത്രകൾ തിരഞ്ഞെടുക്കാൻ കഴിയും. ദൂരം കുറവും ഫെയർ കൂടുതലുമായ യാത്രകൾ തിരഞ്ഞെടുക്കാൻ ഇത് അവരെ സഹായിക്കും. കൂടാതെ ഏത് യാത്രകൾ സ്വീകരിക്കണമെന്ന് തീരുമാനിക്കാനുള്ള നിയന്ത്രണം ഡ്രൈവർമാർക്ക് ലഭിക്കും. അവർക്ക് സമയം കുറഞ്ഞ യാത്രകൾ തിരഞ്ഞെടുക്കുകയോ ദൂരം കൂടുതലുള്ള യാത്രകൾ തിരഞ്ഞെടുക്കുകയോ ചെയ്യാം.യാത്രക്കാരന്റെ ലക്ഷ്യസ്ഥാനം മുൻകൂട്ടി അറിഞ്ഞ്, ഡ്രൈവർമാർക്ക് ഏറ്റവും ചുരുങ്ങിയ സമയത്ത് ലക്ഷ്യസ്ഥാനത്ത് എത്താനുള്ള റൂട്ട് പ്ലാൻ ചെയ്യാൻ കഴിയും. ഇത് ഗ്യാസ് ചെലവ് കുറയ്ക്കുകയും അവർക്ക് കൂടുതൽ യാത്രകൾ സ്വീകരിക്കാൻ സമയം നൽകുകയും ചെയ്യും. 2022-ൽ യുണൈറ്റഡ് സ്റ്റേറ്റ്സിൽ ഔബർ ഈ ഫീച്ചർ പുറത്തിറക്കിയിരുന്നു.
ഡ്രൈവർമാർക്ക് തങ്ങളുടെ സ്മാർട്ട്‌ഫോണിന്റെ ഫ്രണ്ട് ക്യാമറ ഉപയോഗിച്ച് യാത്രകൾ റെക്കോർഡുചെയ്യാനുള്ള ഓപ്ഷൻ നൽകും, പ്രത്യേകം ഒരു ഡാഷ്‌ക്യാം വാങ്ങേണ്ട ആവശ്യമില്ല. ഈ സവിശേഷതകൾ പൈലറ്റ് പ്രോജക്റ്റ് അടിസ്ഥാനത്തിലാണ് നടപ്പിലാക്കുന്നത്. ഇത് തർക്കങ്ങൾ പരിഹരിക്കാനും യാത്രകളുടെ സുരക്ഷിതത്വം വർദ്ധിപ്പിക്കാനും സഹായിക്കും.