ടൊറൻ്റോയിൽ ഇന്ന് ശക്തമായ മഞ്ഞുവീഴ്ചയുണ്ടാകുമെന്ന് എൻവയോൺമെന്റ് കാനഡ. നഗരത്തിൽ 5 മുതൽ 10 സെൻ്റീമീറ്റർ വരെ മഞ്ഞുവീഴ്ചയുണ്ടാകുമെന്നും ഏറ്റവും ഉയർന്ന മഞ്ഞുവീഴ്ച നിരക്ക് മണിക്കൂറിൽ 2 മുതൽ 4 സെൻ്റീമീറ്റർ വരെയാണെന്നും ദേശീയ കാലാവസ്ഥാ ഏജൻസി വ്യക്തമാക്കി.
ഇന്ന് ഉച്ചകഴിഞ്ഞ് കനത്ത മഞ്ഞുവീഴ്ചയുള്ള ഉണ്ടാകുമെന്നും ഉയർന്ന മഞ്ഞുവീഴ്ച നിരക്ക് കാരണം മഞ്ഞുവീഴ്ചയുടെ ഭൂരിഭാഗവും ഏതാനും മണിക്കൂറുകൾക്കുള്ളിൽ വീണേക്കാമെന്നുംഎൻവയോൺമെൻ്റ് കാനഡ മുന്നറിയിപ്പിൽ പറയുന്നു.
കാലാവസ്ഥാ മുന്നറിയിപ്പ് ഗ്രേറ്റർ ടൊറൻ്റോ ഏരിയയും തെക്കൻ ഒൻ്റാറിയോയുടെ ഭൂരിഭാഗവും ഉൾക്കൊള്ളുന്നു. ജിടിഎയുടെ വടക്ക് ഭാഗത്തുള്ള ചില പ്രദേശങ്ങൾ മഞ്ഞുവീഴ്ചാ മുന്നറിയിപ്പിൻ കീഴിലാണ്,.മുസ്‌കോക മേഖലയിൽ ഏകദേശം 15 സെൻ്റീമീറ്റർ മഞ്ഞ് വീഴ്ച പ്രതീക്ഷിക്കുന്നു.
കാലാവസ്ഥയിലെ പെട്ടെന്നുള്ള വ്യതിയാനങ്ങൾ കാരണം യാത്ര അപകടകരമാകുമെന്നും മുന്നറിയിപ്പിൽ പറയുന്നു.
ഇന്ന് വൈകുന്നേരവും രാത്രിയും മണിക്കൂറിൽ 70 കിലോമീറ്റർ വേഗതയിൽ ശക്തമായ വടക്കുപടിഞ്ഞാറൻ കാറ്റ് വീശാൻ സാധ്യതയുണ്ട്. കൂടാതെ മഞ്ഞുവീഴ്ചയ്‌ക്കൊപ്പം ശക്തമായ കാറ്റും കൂടിച്ചേർന്നത് ചില പ്രദേശങ്ങളിൽ ദൃശ്യപരത കുറയാൻ ഇടയാക്കുമെന്ന് എൻവയോൺമെന്റ് കാനഡ പറഞ്ഞു.
ടൊറൻ്റോയിൽ ഇന്ന് ഉയർന്ന താപനില – 1 ഡി​ഗ്രി സെൽഷ്യസും ഒറ്റരാത്രികൊണ്ട് താപനില താഴ്ന്ന് – 4 ഡി​ഗ്രി സെൽഷ്യസായേക്കാം. വെള്ളിയാഴ്‌ച ഉയർന്ന താപനില 0 ഡി​ഗ്രി സെൽഷ്യസും, തുടർന്ന് ഉയർന്ന താപനില – 4 C ഡി​ഗ്രി സെൽഷ്യസാകാൻ സാധ്യതയുണ്ട്. ശനിയാഴ്ചയും ഞായറാഴ്ചയും താപനില 1 ഡി​ഗ്രി സെൽഷ്യസായിരിക്കുമെന്നും കാലാവസ്ഥാ ഏജൻസി വ്യക്തമാക്കി.