ഇന്റർനാഷണൽ എക്സ്പീരിയൻസ് കാനഡ(ഐഇസി) വിവിധ വിഭാഗങ്ങൾക്ക് കീഴിലായി വർക്ക് പെർമിറ്റിന് അപേക്ഷിക്കാൻ 2,036 അപേക്ഷകർക്ക് ഇൻവിറ്റേഷൻ നൽകി. വർക്കിംഗ് ഹോളിഡേ വിസ, യം​ഗ് പ്രൊഫഷണലുകൾ, ഇന്റർ നാഷണൽ കോ-ഓപ്പ് (ഇന്റേൺഷിപ്പ്) എന്നീ വിഭാ​ഗങ്ങളിലായാണ് ഇൻവിറ്റേഷൻ നൽകിയത്.
ഏറ്റവും വലിയ ഐഇസി വിഭാഗമായ വർക്കിംഗ് ഹോളിഡേ വിസയിൽ, 32 രാജ്യങ്ങളിൽ നിന്നുള്ള പങ്കാളികൾക്ക് 1,776 ഓപ്പൺ വർക്ക് പെർമിറ്റ് ഇൻവിറ്റേഷൻ നൽകി. യംഗ് പ്രൊഫഷണൽ വിഭാഗത്തിലെ ഉദ്യോഗാർത്ഥികൾക്ക് ക്ലോസ്ഡ് വർക്ക് പെർമിറ്റിന് അപേക്ഷിക്കാൻ 190 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകി. വരാനിരിക്കുന്ന നറുക്കെടുപ്പുകൾക്ക് 4,953 സ്പോട്ടുകൾ ഇപ്പോഴും ലഭ്യമാണ്. ഇൻ്റർനാഷണൽ കോ-ഓപ്പ് (ഇൻ്റേൺഷിപ്പ്) വിഭാഗത്തിലുള്ളവർക്ക് 90 അപേക്ഷകർക്കും ഇൻവിറ്റേഷൻ നൽകിയിട്ടുണ്ട്. വർക്കിംഗ് ഹോളിഡേ പൂളിൽ, ഈ വർഷം ബാക്കി ഉള്ള 21,801 സ്പോട്ടുകൾക്കായി 32,556 അപേക്ഷകരുണ്ട്.