ഇന്ന് രാവിലെ മുതൽ ഗ്രേറ്റർ ടൊറൻ്റോ ഏരിയയിൽ ഭൂരിഭാഗം പ്രദേശങ്ങളിലും ശക്തമായ മഴ മുന്നറിയിപ്പ് നൽകി എൺവയോൺമെൻ്റ് കാനഡ. ടൊറൻ്റോയിൽ 15 മുതൽ 25 മില്ലിമീറ്റർ വരെ മഴ പെയ്തേക്കാമെന്നും എന്നാൽ ചില പ്രദേശങ്ങളിൽ ഉയർന്ന അളവിൽ മഴ പെയ്യാൻ സാധ്യതയുണ്ടെന്നും ദേശീയ കാലാവസ്ഥാ ഏജൻസി വ്യക്തമാക്കി.
തെക്കൻ ഒൻ്റാറിയോയ്ക്ക് കുറുകെ കൊടുങ്കാറ്റ് കടന്നുപോകുന്നത് കാരണം, ഇന്ന് രാവിലെയോ വൈകിയോ ഉച്ചതിരിഞ്ഞോ മഴ കുറയുന്നതിന് മുമ്പ് ചില സമയങ്ങളിൽ ശക്തമായി പെയ്‌തേക്കാമെന്ന് ഏജൻസി അറിയിച്ചു. കനത്ത മഴയ്‌ക്കൊപ്പം മൂടൽ മഞ്ഞും ദൃശ്യത കുറയ്‌ക്കുന്നതിന്‌ കാരണമാകാം. വെള്ളം കെട്ടിനിൽക്കാനും റോഡുകളിൽ വെള്ളക്കെട്ട് ഉണ്ടാകാനും സാധ്യതയുണ്ട്. വാഹനമോടിക്കുമ്പോൾ പ്രത്യേകം ശ്രദ്ധിക്കണമെന്നും ഏജൻസി കൂട്ടിച്ചേർത്തു.
ജനുവരി അവസാനത്തോടെ ടൊറൻ്റോയിൽ അസാധാരണമായ ചൂട് അനുഭവപ്പെടും. ഇന്ന് നഗരത്തിൽ ഉയർന്ന താപനില 7 ഡിഗ്രി സെൽഷ്യസും ശനിയാഴ്ച 6 ഡിഗ്രി സെൽഷ്യസും ഞായറാഴ്ച 2 ഡിഗ്രി സെൽഷ്യസും പ്രതീക്ഷിക്കുന്നതായും എൺവയോൺമെൻ്റ് കാനഡ വ്യക്തമാക്കി. തിങ്കളാഴ്‌ച നേരിയ തോതിൽ 1 ഡിഗ്രി സെൽഷ്യസ് കുറവായിരിക്കുമെന്ന് പ്രവചിക്കപ്പെടുന്നു.