രാജ്യത്ത് തൊഴിലില്ലായ്മ ആനൂകൂല്യം വാങ്ങുന്ന പുരുഷന്മാരുടെയും സ്ത്രീകളുടെയും എണ്ണം വർധിച്ചതായി സ്റ്റാറ്റിസ്റ്റിക്സ കാനഡ റിപ്പോർട്ട്.
സ്ഥിരമായ തൊഴിൽ ഇൻഷുറൻസ് ആനുകൂല്യങ്ങൾ ലഭിച്ച 25 നും 54 നും ഇടയിൽ പ്രായമുള്ള പുരുഷന്മാരുടെ എണ്ണം കഴിഞ്ഞ വർഷത്തെ അപേക്ഷിച്ച് ജൂണിൽ ഏകദേശം 13 ശതമാനം വർധിച്ചതായി റിപ്പോർട്ട് പറയുന്നു. ജൂൺ, ജൂലൈ മാസങ്ങളിൽ പുരുഷന്മാർക്കിടയിൽ EI ഗുണഭോക്താക്കൾ തുടർച്ചയായി രണ്ട് മാസങ്ങളിൽ ഉയർന്നതായുംം ഏജൻസി പറഞ്ഞു.
ജൂണിൽ സ്ഥിരമായി EI ആനുകൂല്യങ്ങൾ ലഭിക്കുന്ന സ്ത്രീകളുടെ (25 മുതൽ 54 വയസ്സ് വരെ) എണ്ണത്തിൽ 10.5 ശതമാനം വാർഷിക വർധനയും റിപ്പോർട്ട് പറയുന്നു. ന്യൂഫൗണ്ട്‌ലാൻഡ്, ലാബ്രഡോർ, ക്യുബെക്ക്, ഒൻ്റാറിയോ, ബ്രിട്ടീഷ് കൊളംബിയ എന്നീ വിവിധ പ്രവിശ്യകളിൽ ഗുണഭോക്താക്കളുടെ വർധനവ് ഉണ്ടായിട്ടുണ്ട്.
തൊഴിൽ വിപണി സ്ഥിരമായി നിലനിന്നിരുന്നപ്പോൾ കൂടുതൽ ആളുകൾ ജോലി അന്വേഷിക്കുന്നതിനൊപ്പം ജൂണിൽ തൊഴിലില്ലായ്മ നിരക്ക് അല്പം ഉയർന്നതായി ഏജൻസി പറഞ്ഞു. മൊത്തത്തിൽ 474,000 കനേഡിയന്മാർ ജൂണിൽ EI ആനുകൂല്യങ്ങൾ ലഭിച്ചു, ഇത് 2023 ലെ അതേ മാസത്തെ അപേക്ഷിച്ച് 10.4 ശതമാനം വർധനവാണെന്നും ഏജൻസി റിപ്പോർട്ട് വ്യക്തമാക്കുന്നു.