കാനഡയിൽ ശക്തമായ ശൈത്യകാല കൊടുങ്കാറ്റ് ഒന്റാറിയോ, ക്യൂബെക്ക്, അറ്റ്ലാന്റിക് കാനഡ എന്നീ പ്രദേശങ്ങളിൽ ശക്തമായ മഞ്ഞ് വീഴ്ചയ്ക്കും, മഴയ്ക്കും കാരണമാകുമെന്നും റിപ്പോർട്ട്. അതേസമയം, രണ്ടാമത്തെ കൊടുങ്കാറ്റ് പശ്ചിമതീരത്ത് ആഞ്ഞടിക്കുമെന്നും റിപ്പോർട്ട് വ്യക്തമാക്കുന്നു. കാനഡയുടെ കിഴക്കു പടിഞ്ഞാറൻ തീരങ്ങളിൽ ശക്തമായ രണ്ട് ശൈത്യകാല കൊടുങ്കാറ്റ് ആഞ്ഞടിക്കാനിടയുള്ളതിനാൽ രാജ്യത്തിലുടനീളം ശക്തമായ മഞ്ഞ്, മഴ എന്നിവ ഉണ്ടാകാനുള്ള സാധ്യതയുണ്ട്. കാനഡയിലുടനീളമുള്ള പ്രവിശ്യകൾക്കും പ്രദേശങ്ങളിലും നിരവധി നാശ നഷ്ടങ്ങൾക്ക് കാലാവസ്ഥാ കാരണമായേക്കുമെന്നും റിപ്പോർട്ട് പറയുന്നു. ടെക്സാസ് ന്യൂനമർദം യുഎസിൽ നിന്ന് കനേഡിയൻ അതിർത്തി കടന്നതായി റിപ്പോർട്ട് വ്യക്തമാക്കുന്നു.
മെക്സിക്കോ ഉൾക്കടലിൽ രൂപപ്പെട്ട കൊടുങ്കാറ്റ് തിങ്കളാഴ്ച രാത്രി കൂടുതൽ ചൂടുള്ള വായു കനേഡയിലേക്ക് കൊണ്ടുവന്നു.
ടെക്സസിലെ കുറഞ്ഞ താപനില കനേഡിയയിലെ ഒന്റാറിയോ, ക്യൂബെക്ക്, അറ്റ്ലാന്റിക് കാനഡ എന്നിവിടങ്ങളിൽ എന്നിവിടങ്ങളിൽ ദോഷകരമായി ബാധിക്കുമെന്ന് കാലാവസ്ഥാ വിദഗ്ദ്ധയായ കെൽസി മക്ഇവൻ പറഞ്ഞു. ഒന്റാറിയോ, ക്യൂബെക്ക്, ന്യൂ ബ്രൺസ്വിക്ക, പ്രിൻസ് എഡ്വേർഡ് ദ്വീപ്, നോവ സ്കോഷ്യ, ന്യൂഫൗണ്ട്ലാൻഡ് എന്നിവിടങ്ങളിൽ ശൈത്യകാല കൊടുങ്കാറ്റ് മുന്നറിയിപ്പുകൾ എൺവയോൺമെന്റ് കാനഡ നൽകിയിട്ടുണ്ട്.
ഗ്രേറ്റ് ലേക്സിന്റെ ചുറ്റുമുള്ള പ്രദേശങ്ങളിൽ ഇന്ന് രാവിലെ 5 മുതൽ 10 സെന്റീമീറ്റർ വരെ മഞ്ഞ് വീഴ്ചയുണ്ടായേക്കാം. സഡ്ബറി, ടിമ്മിൻസ് പോലുള്ള വടക്കൻ പ്രദേശങ്ങളിൽ 20 മുതൽ 30 സെന്റീമീറ്റർ വരെ മഞ്ഞുവീഴ്ചയും എൺവയോൺമെന്റ് കാനഡ പ്രവചിച്ചിട്ടുണ്ട്. ഒട്ടാവയിലും സമാനമായ പ്രവചനം കാലാവസ്ഥാ ഏജൻസി നൽകിയിട്ടുണ്ട്.