ബ്രിട്ടീഷ് കൊളംബിയ, മാനിറ്റോബ, സസ്കാച്വാൻ, പ്രിൻസ് എഡ്വേർഡ് ഐലൻഡ് എന്നീ നാല് പ്രവിശ്യകളിലേക്ക് പ്രൊവിൻഷ്യൽ നോമിനി പ്രോഗ്രാം (PNP) ഇൻവിറ്റേഷൻ നൽകി ഇമിഗ്രേഷൻ റെഫ്യൂജീസ് ആൻഡ് സിറ്റിസൺഷിപ്പ് കാനഡ (ഐആർസിസി).

പ്രവിശ്യാ ഇമിഗ്രേഷൻ ഫലങ്ങൾ ഡിസംബർ 19-29

ബ്രിട്ടീഷ് കൊളംബിയ

ഡിസംബർ 19-ന് നടന്ന PNP നറുക്കെടുപ്പിലൂടെ 230 വിദഗ്ധ തൊഴിലാളികൾക്കും ഇന്റർനാഷണൽ ഗ്രാജ്വേറ്റ് സ്ഥാനാർത്ഥികൾക്കും പ്രൊവിൻഷ്യൽ നോമിനേഷനായി അപേക്ഷിക്കാനുള്ള ഇൻവിറ്റേഷൻ നൽകി.
ആവശ്യാനുസരണം പ്രത്യേക തൊഴിലുകൾ ലക്ഷ്യമിട്ട് നാല് നറുക്കെടുപ്പുകളിലായാണ് ഉ‌ദ്യോ​ഗാർത്ഥികൾക്ക് ഇൻവിറ്റേഷൻ നൽകിയത്.
ഏറ്റവും വലുത് ടെക് തൊഴിലുകൾക്കുള്ള നറുക്കെടുപ്പായിരുന്നു. പ്രവിശ്യയിൽ ഏറ്റവും കുറഞ്ഞ സ്‌കോർ 95 ഉള്ള 107 ഉദ്യോഗാർത്ഥികൾക്ക് ഇൻവിറ്റേഷൻ നൽകി. കുറഞ്ഞത് 75 സ്‌കോർ ഉള്ള ഒരു നിർമ്മാണ തൊഴിലിലെ 32 ഉദ്യോഗാർത്ഥികൾക്കും ഇൻവിറ്റേഷൻ നൽകി
ശേഷിക്കുന്ന രണ്ട് നറുക്കെടുപ്പുകളിലായി 29 പേർ ഹെൽത്ത് കെയർ ജോലികളിലേക്കും 62 ആദ്യകാല ശിശുപരിപാലന അധ്യാപകരെയും സഹായികൾക്കും ഇൻവിറ്റേഷൻ നൽകി. കുറഞ്ഞത് 60 ആയിരുന്നു സ്‌കോർ.

മാനിറ്റോബ

വിദേശത്തുള്ള വിദഗ്ധ തൊഴിലാളികൾക്കായുള്ള മൂന്ന് മാനിറ്റോബ പ്രൊവിൻഷ്യൽ നോമിനി പ്രോഗ്രാമിൽ (എംപിഎൻപി) ആദ്യ നറുക്കെടുപ്പ് ഡിസംബർ 21ന് നടന്നു. കുറഞ്ഞത് 601 സ്‌കോർ ഉള്ള 1,113 ഉദ്യോഗാർത്ഥികൾക്ക് പ്രവിശ്യ ഇൻവിറ്റേഷൻ നൽകി.
ഡിസംബർ 28-ന് മൂന്ന് വിഭാഗങ്ങളിലായി മൂന്ന് വ്യത്യസ്ത നറുക്കെടുപ്പുകളിലൂടെ ഉദ്യോഗാർത്ഥികൾക്ക് ഇൻവിറ്റേഷൻ നൽകി. പ്രവിശ്യയിലെ അടുത്ത ബന്ധുവിനൊപ്പം മാനിറ്റോബയിലെ 160 വിദഗ്ധ തൊഴിലാളികൾക്കും പ്രവിശ്യ ഇൻവിറ്റേഷൻ നൽകി.ബന്ധു കനേഡിയൻ പൗരനോ സ്ഥിര താമസക്കാരനോ ആയിരിക്കണം കൂടാതെ ഒരു വർഷമെങ്കിലും മാനിറ്റോബയിൽ താമസിക്കുന്നവരായിരിക്കണം. ഈ നറുക്കെടുപ്പിൽ അപേക്ഷകർക്കുള്ള ഏറ്റവും കുറഞ്ഞ സ്കോർ 612 ആയിരുന്നു.

പ്രവിശ്യയിൽ 67 അന്തർദേശീയ വിദ്യാഭ്യാസ ഉദ്യോഗാർത്ഥികൾക്കും 27 വിദേശ വിദഗ്ധ തൊഴിലാളികകൾക്കും ഇൻവിറ്റേഷൻ നൽകി. ഡിസംബർ 29-ന് ഉക്രെയ്നിനായുള്ള പ്രത്യേക നടപടികൾക്ക് കീഴിലുള്ള മാനദണ്ഡങ്ങൾ പാലിക്കുന്ന ഉദ്യോഗാർത്ഥികൾക്ക് അപേക്ഷിക്കാൻ 89 ഇൻവിറ്റേഷൻ നൽകി. ഈ ഉദ്യോഗാർത്ഥികൾ വിദേശത്തുള്ള വിദഗ്ധ തൊഴിലാളികൾക്കുള്ള മാനദണ്ഡങ്ങൾ പാലിക്കുകയും മാനിറ്റോബയിൽ ഒരു അടുത്ത ബന്ധുവുമുണ്ട്.

സസ്കാച്വാൻ

ഡിസംബർ 27-ന് സസ്‌കാച്ചെവൻ ഇമിഗ്രന്റ് നോമിനി പ്രോഗ്രാമിലേക്ക് (SINP) 63 ഉദ്യോഗാർത്ഥികൾക്ക് ഇൻവിറ്റേഷൻ നൽകി. ഒക്ടോബർ 23ന് ശേഷമുള്ള ആദ്യ SINP നറുക്കെടുപ്പായിരുന്നു ഇത്.
പ്രവിശ്യയിൽ 48 തൊഴിൽ-ഇൻ-ഡിമാൻഡ് ഉദ്യോഗാർത്ഥികളും 15 എക്സ്പ്രസ് എൻട്രി ഉദ്യോഗാർത്ഥികളും ഉൾപ്പെടെ രണ്ട് വിഭാഗങ്ങളിലായി നറുക്കെടുപ്പ് നടന്നു. രണ്ട് നറുക്കെടുപ്പുകളിലും, അപേക്ഷകർക്ക് കുറഞ്ഞത് 69 സ്‌കോറും വിദ്യാഭ്യാസ ക്രെഡൻഷ്യൽ അസെസ്‌മെന്റും ആവശ്യമാണ്.

പ്രിൻസ് എഡ്വേർഡ് ഐലൻഡ്

പ്രിൻസ് എഡ്വേർഡ് ഐലൻഡ് PEI PNP-യുടെ ലേബർ, എക്സ്പ്രസ് എൻട്രി സ്ട്രീമുകളിൽ നിന്ന് 26 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകി. ആരോഗ്യ സംരക്ഷണം, നിർമ്മാണം, ഭക്ഷ്യ സംസ്കരണം എന്നീ മേഖലകളിൽ ജോലി ചെയ്യുന്നവരെയാണ് പരിഗണിച്ചത്.
ബിസിനസ് വർക്ക് പെർമിറ്റ് എന്റർപ്രണർ വിഭാഗത്തിൽ നിന്ന് കുറഞ്ഞത് 92 സ്‌കോർ ഉള്ള മൂന്ന് ഉദ്യോഗാർത്ഥികൾക്കും ഇൻവിറ്റേഷൻ നൽകി.