ജസ്റ്റിൻ ട്രൂഡോയുടെ സർക്കാർ കുടിയേറ്റം വെട്ടിക്കുറയ്ക്കുന്നതിനിടയിലും കാനഡയിലെ ജനസംഖ്യാ വളർച്ച കുറഞ്ഞതായി റിപ്പോർട്ട്. ജൂലായ് 1 വരെയുള്ള മൂന്ന് മാസങ്ങളിൽ 250,000 ആളുകളെ കൂട്ടിച്ചേർത്തു. ഇത് ത്രൈമാസ വളർച്ചാ നിരക്ക് 0.6 ശതമാനമാണ്. 2023-ലെ രണ്ടാം പാദത്തിലെ വളർച്ച നിരക്ക് 0.8% ആയിരുന്നു. എന്നാൽ 2020 ന് ശേഷം ആദ്യമായാണ് ത്രൈമാസ വളർച്ച നിരക്ക് മുൻ വർഷത്തെ ഇതേ കാലയളവിനേക്കാൾ കുറയുന്നതെന്നും സ്റ്റാറ്റിസ്റ്റിക്സ് കാനഡ റിപ്പോർട്ട് പറയുന്നു.
പാൻഡെമിക് യാത്രാ നിയന്ത്രണങ്ങൾ ലഘൂകരിച്ചതിന് ശേഷം കാനഡയിൽ റെക്കോർഡ് ജനസംഖ്യാ നേട്ടം കണ്ടു. 2022 പകുതി മുതൽ രാജ്യം 2.35 ദശലക്ഷത്തിലധികം ആളുകളെ കൂട്ടിച്ചേർത്തു. കുതിച്ചുയരുന്ന കുടിയേറ്റം സമ്പദ്‌വ്യവസ്ഥയെ സഹായിച്ചപ്പോൾ, ഭവന ചെലവുകളിലും പൊതു സേവനങ്ങളിലുമുള്ള സമ്മർദ്ദങ്ങൾ കുടിയേറ്റത്തിനും ട്രൂഡോയ്ക്കുമുള്ള പിന്തുണയിൽ കുത്തനെ ഇടിവുണ്ടാക്കി.
കുടിയേറ്റം കുറയ്ക്കുന്നതിനുള്ള ട്രൂഡോയുടെ പദ്ധതി താത്കാലിക താമസക്കാരെ ബാധിക്കുന്നതാണ്. അന്തർദ്ദേശീയ വിദ്യാർത്ഥികൾ, വിദേശ തൊഴിലാളികൾ, അഭയാർത്ഥികൾ എന്നിവരെ ഈ നീക്കം കാര്യമായി ബാധിച്ചു. രണ്ടാം പാദത്തിൽ കാനഡ 118,000 താൽക്കാലിക താമസക്കാരെ കൂട്ടി ചേർത്തു. 2023 ൻ്റെ ആദ്യ പാദത്തിനു ശേഷമുള്ള ഏറ്റവും ചെറിയ ​​വർദ്ധനവും തുടർച്ചയായ മൂന്നാമത്തെ ത്രൈമാസ ഇടിവും സംഭവിച്ചു.