കാനഡയിലുടനീളമുള്ള കമ്മ്യൂണിറ്റികളില്‍ അഞ്ചാംപനി പടരുമെന്ന മുന്നറിയിപ്പ് നല്‍കി ആരോഗ്യ വകുപ്പ്. മാര്‍ച്ച് ബ്രേക്ക് ട്രാവല്‍ സീസണില്‍ വിദേശ രാജ്യങ്ങളില്‍ സന്ദര്‍ശനം നടത്തി തിരിച്ചെത്തുന്നവരില്‍ രോഗം ബാധിക്കാനുള്ള സാധ്യതയുണ്ടെന്നും അണുബാധ കാനഡയിലെ ചില കമ്മ്യൂണിറ്റികളിലേലേക്ക് പടരാന്‍ സാധ്യത വളരെക്കൂടുതലാണെന്നും അധികൃതര്‍ മുന്നറിയിപ്പ് നല്‍കി.
ക്യുബെക്ക്, ഒന്റാരിയോ തുടങ്ങിയ പ്രവിശ്യകളില്‍ ഉള്‍പ്പെടെ ഈ വര്‍ഷം അഞ്ചാംപനി കേസുകൾ സ്ഥിരീകരിച്ചിട്ടുണ്ട്. ക്യുബെക്കിലും ഒന്റാരിയോയിലും അടുത്തിടെ കണ്ടെത്തിയ രണ്ട് കേസുകള്‍ മുന്‍കാല യാത്രയുമായി ബന്ധപ്പെട്ടുള്ളതല്ല. കൂടാതെ, മറ്റ് അഞ്ചാംപനി കേസുകളുമായി സമ്പര്‍ക്കം പുലര്‍ത്താത്തതാണെന്നും കണ്ടെത്തിയിട്ടുണ്ട്. കമ്മ്യൂണിറ്റികള്‍ക്കുള്ളില്‍ നിന്നുമായിരിക്കാം രോഗം ബാധിച്ചെതെന്നാണ് കരുതുന്നതെന്ന് അധികൃതര്‍ പറഞ്ഞു.
അഞ്ചാംപനി പടരുന്ന സാഹചര്യത്തില്‍ പൊതുജനങ്ങള്‍ വൈറസിനെതിരെ പൂര്‍ണമായി വാക്‌സിനേഷന്‍ എടുത്തിട്ടുണ്ടെന്ന് ഉറപ്പാക്കണമെന്ന് ആരോഗ്യ വകുപ്പ് നിര്‍ദ്ദേശിച്ചു.
