കാനഡ അപകടകരമായ കാട്ടുതീ സീസണിലേക്ക് പോകുന്നതായി ഫെഡറല് സര്ക്കാർ. ഈ വര്ഷം സമ്മര്സീസണിലെ വരണ്ട കാലാവസ്ഥയും രൂക്ഷമാകുന്ന വരള്ച്ചയും കനത്ത ചൂടും കാരണം വരും മാസങ്ങളില് ശക്തമായ കാട്ടുതീ അപകടങ്ങൾക്ക് കാനഡ സാക്ഷിയാകുമെന്ന് ഫെഡറല് പബ്ലിക് സേഫ്റ്റി മിനിസ്ട്രി വ്യക്തമാക്കുന്നു.
നിലവിലുള്ള എല് നിനോ കാലാവസ്ഥാ പ്രതിഭാസം മഴയുടെ അഭാവത്തിനും ചൂടേറിയ താപനിലയ്ക്കും ആക്കം കൂട്ടുന്നതായും റിപ്പോർട്ട് പറയുന്നു. മെയ് മുതല് ജൂലൈ വരെ, ഉയര്ന്ന അപകടസാധ്യതയുള്ള പ്രദേശങ്ങളില്,സാധാരണയിലും ഉയര്ന്ന താപനിലയ്ക്ക് സാധ്യതയുണ്ട്. മഴയുടെ അഭാവം കാരണം, വെസ്റ്റേണ് കാനഡയില് കാട്ടുതീ സാധ്യത വര്ധിച്ചതായി കാലാവസ്ഥാ നിരീക്ഷകര് വ്യക്തമാക്കുന്നു.
മെയ് 9 വരെ കാനഡയിലുടനീളം 87 കാട്ടുതീകള് സജീവമാണെന്നും ഇതില് 38 എണ്ണം ആല്ബെര്ട്ടയിലാണെന്നും റിപ്പോര്ട്ട് പറയുന്നു. കൂടാതെ 22 എണ്ണം ബീസിയിലും ഒമ്പതെണ്ണം മാനിറ്റോബയിലും സജീവമാണെന്നും റിപ്പോര്ട്ടുകൾ വ്യക്തമാക്കുന്നു.
വരള്ച്ചയും കനത്ത ചൂടും, കാനഡ അപകടകരമായ കാട്ടുതീ സീസണിലേക്ക്
Reading Time: < 1 minute
