ഉയർന്ന അളവിലുള്ള ഈയം കലർന്നതിനാൽ ജയൻ്റ് ടൈഗർ സ്റ്റോറുകളിൽ വിറ്റ ചില വസ്ത്രങ്ങൾ തിരിച്ചുവിളിച്ച് ഹെൽത്ത് കാനഡ. ഈ വർഷം മെയ് മുതൽ ഒക്ടോബർ വരെ S37313/ജയൻ്റ് ടൈഗർ ,റിയൽ ലവ് ഗേൾസ് എന്ന പേരിൽ വിറ്റ ടു-പീസ് ഷോർട്ട്‌സ് സെറ്റുകൾ തിരിച്ചുവിളിച്ച് ഉൽപ്പന്നങ്ങളിൽ ഉൾപ്പെടുന്നു. രാജ്യവ്യാപകമായി 744 ടു-പീസ് ഷോർട്ട്‌സ് സെറ്റുകൾ വിറ്റഴിച്ചിട്ടുണ്ട്. ഷോർട്ട്സിന്റെ ബട്ടണുകളിൽ പരിധിയിൽ കൂടുതൽ ഈയം അടങ്ങിയിട്ടുണ്ടെന്നും ഇത് കുട്ടികളിൽ അപകടത്തിന് കാരണമാകുമെന്നും ആരോ​ഗ്യ ഏജൻസി വ്യക്തമാക്കുന്നു.
ഉയർന്ന അളവിലുള്ള ഈയം ഹൃദയാഘാതം, ഛർദ്ദി, വയറിളക്കം, വിളർച്ച, കരൾ, വൃക്കകൾ, ഹൃദയധമനികൾ, രോഗപ്രതിരോധ സംവിധാനങ്ങൾ എന്നിവയിൽ ഗുരുതരമായ പ്രത്യാഘാതങ്ങൾ ഉണ്ടാക്കും. ഉൽപ്പന്നങ്ങൾ ഉപയോഗിക്കുന്നത് ഉടൻ നിർത്താനും ജയൻ്റ് ടൈഗർ സ്റ്റോറുകളിൽ റീഫണ്ട് ലഭ്യമാണെന്നും ഏജൻസി വ്യക്തമാക്കി.