ഭവന പ്രതിസന്ധി പരിഹരിക്കാൻ സെക്കന്‍ഡറി സ്യൂട്ടുകളുടെ വിതരണം വര്‍ധിപ്പിക്കാനൊരുങ്ങി ബ്രിട്ടീഷ് കൊളംബിയ. മാര്‍ക്കറ്റ് മൂല്യത്തേക്കാള്‍ താഴെ വാടകയ്ക്ക് നല്‍കുന്നതിന് പ്രോപ്പര്‍ട്ടിയില്‍ ഒരു സെക്കന്‍ഡറി സ്യൂട്ട് അല്ലെങ്കില്‍ ഒരു യൂണിറ്റ് നിര്‍മിക്കാന്‍ വീട്ടുടമസ്ഥരെ പ്രോത്സാഹിപ്പിക്കുക എന്നതാണ് മൂന്ന് വര്‍ഷത്തെ സെക്കന്‍ഡറി സ്യൂട്ട് ഇന്‍സെന്റീവ് പ്രോഗ്രാം കൊണ്ട് ഉദ്ദേശിക്കുന്നത്. ബേസ്‌മെന്റ് സ്യൂട്ടുകളോ ലെയിന്‍വേ ഹോമുകളോ നിര്‍മിക്കുന്നതിന് പ്രവിശ്യയില്‍ ചെലവ് കൂടുതലാണെന്നും ഇത് പരിഹരിക്കാനാണ് ഇത്തരമൊരു പദ്ധതിയെന്നും പ്രീമിയര്‍ ഡേവിഡ് എബി വ്യക്തമാക്കി.
പ്രോഗ്രാമിന് കീഴില്‍, പ്രൈമറി റെസിഡന്‍സിലേക്ക് ഒരു സെക്കന്‍ഡറി സ്യൂട്ട് കൂട്ടിച്ചേര്‍ക്കുന്നതിന് റെനൊവേഷന്റെ ആകെ ചെലവിന്റെ 50 ശതമാനം വരെ(പരമാവധി 40,000 ഡോളര്‍ വരെ) സര്‍ക്കാര്‍ നൽകും.പുതിയ സ്യൂട്ട് അഞ്ച് വര്‍ഷത്തേക്ക് മാര്‍ക്കറ്റിന് താഴെയുള്ള നിരക്കില്‍ വാടകയ്ക്ക് നല്‍കിയാല്‍ വായ്പയ്ക്ക് ഇളവ് ലഭിക്കും. ഏകദേശം 1,000 ഭവന ഉടമകള്‍ക്ക് വായ്പ നല്‍കാനാണ് പ്രോഗ്രാമില്‍ ലക്ഷ്യമിടുന്നത്. 3,000 പുതിയ മാര്‍ക്കറ്റിന് താഴെയുള്ള വാടക സ്യൂട്ടുകള്‍ നിര്‍മിക്കപ്പെടുമെന്നാണ് പ്രതീക്ഷിക്കുന്നത്.
ഭവന പ്രതിസന്ധി; ഉടമകള്‍ക്ക് പ്രോത്സാഹനം, സെക്കന്‍ഡറി സ്യൂട്ടുകളുടെ വിതരണം വര്‍ധിപ്പിക്കാനൊരുങ്ങി ബീസി
Reading Time: < 1 minute
