ലോകത്ത് ഉയര്ന്ന ഗാര്ഹിക കടത്തിൽ കാനഡ മൂന്നാം സ്ഥാനത്താണെന്ന് റിപ്പോര്ട്ട്. രാജ്യത്തെ ഭൂരിഭാഗം ജനങ്ങളും കടക്കെണിയിലാണെന്ന് ഫിനാന്ഷ്യല് സര്വീസ് ഗ്രൂപ്പായ ഡെസ്ജാര്ഡിന്സിന്റെ പുതിയ റിപ്പോർട്ട് പറയുന്നു. സ്വിറ്റ്സര്ലന്ഡ്, ഓസ്ട്രേലിയ എന്നിവയ്ക്ക് പിന്നാലെയാണ് കാനഡയുടെ സ്ഥാനം. കാനഡ മോര്ഗേജ് ആന്ഡ് ഹൗസിംഗ് കോര്പ്പറേഷന്റെ (സിഎംഎച്ച്സി) 2023മെയ് മാസം പുറത്തിറങ്ങിയ റിപ്പോര്ട്ടില് ജി7 രാജ്യങ്ങളില് ഏറ്റവും ഉയര്ന്ന ഗാര്ഹിക കടം കാനഡയിലാണെന്ന് വ്യക്തമാക്കിയിരുന്നു.
ഏറ്റവും കുറഞ്ഞ വരുമാനമുള്ള കുടുംബങ്ങളുടെ ഗാര്ഹിക കടം 45 ശതമാനമാണ്. എന്നാൽ എല്ലാ കടങ്ങളുടെയും പകുതിയിലധികവും വഹിക്കുന്നത് ഏറ്റവും ഉയർന്ന വരുമനമുള്ള കുടുംബങ്ങളാണെന്ന് റിപ്പോർട്ട് സൂചിപ്പിക്കുന്നു.
കാനഡയില് സമ്പന്നരും അല്ലാത്തവരും തമ്മിലുള്ള അസമത്വം വര്ധിച്ചതായും ഡെസ്ജാര്ഡിന്സ് രേഖപ്പെടുത്തുന്നു. ഉയര്ന്ന പലിശ നിരക്ക് വരുമാന വിതരണത്തെ ബാധിക്കുന്നു. ഇത് സമ്പന്നര്ക്ക് പ്രയോജനം ചെയ്യുന്നുവെന്നും റിപ്പോര്ട്ട് പറയുന്നു.
ലോകത്ത് ഗാര്ഹിക കടത്തിൽ കാനഡ മൂന്നാം സ്ഥാനത്ത്
Reading Time: < 1 minute
