ഫെബ്രുവരി 21-ന് നടന്ന ഏറ്റവും പുതിയ ബീസി പിഎൻപി നറുക്കെടുപ്പിലൂടെ സ്ഥിരതാമസത്തിന് (പിആർ) അപേക്ഷിക്കാൻ (ഐടിഎ) 212 അപേക്ഷകർക്ക് ഇൻവിറ്റേഷൻ നൽകി ഐആർസിസി.
ഒരു പൊതു ബീസി പിഎൻപി നറുക്കെടുപ്പിലൂടെ 35 ടെക് തൊഴിലുകൾക്കും എക്സ്പ്രസ് എൻട്രി, ബിസി പിഎൻപി സ്കിൽസ് ഇമിഗ്രേഷൻ സ്ട്രീമുകൾക്ക് കീഴിൽ 69 ഉദ്യോ​ഗാർത്ഥികൾക്കും ഇൻവിറ്റേഷൻ നൽകി. മുൻ ജനറൽ ഡ്രോ ആയ ഫെബ്രുവരി 6 നെ അപേക്ഷിച്ച് എല്ലാ സ്ട്രീമുകളിലും (എൻട്രി ലെവൽ, സെമി-സ്കിൽഡ് ഒഴികെ) കട്ട്ഓഫ് സ്കോർ 4 പോയിന്റ് വർധിച്ചു. എൻട്രി ലെവൽ, സെമി സ്‌കിൽഡ് സ്ട്രീമുകൾക്കുള്ള പൊതു നറുക്കെടുപ്പിൽ കട്ട്ഓഫ് സ്‌കോർ 2 പോയിൻ്റ് വർധിച്ചു,
ബാല്യകാല വിദ്യാഭ്യാസ അസിസ്റ്റൻ്റുകളോ ഇൻസ്ട്രക്ടർമാരോ ആയി പരിചയമുള്ള 70 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകി. മാത്രമല്ല, 2023-ൻ്റെ അവസാനത്തിൽ അവതരിപ്പിച്ച ബ്രിട്ടീഷ് കൊളംബിയയുടെ പുതിയ കാറ്റഗറി അധിഷ്‌ഠിത നറുക്കെടുപ്പിലൂടെ കൺസ്ട്രക്ഷൻ മേഖലയിലെ 25 തൊഴിലുകളിൽ പരിചയമുള്ളവർക്ക് മാത്രമായി നടത്തിയ നറുക്കെടുപ്പിലൂടെ 32 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകി. കൂടാതെ, ആരോഗ്യ സംരക്ഷണവുമായി ബന്ധപ്പെട്ട 39 തൊഴിലുകളിൽ അനുഭവപരിചയമുള്ള 41 പ്രൊഫൈലുകൾക്ക് സ്ഥിര താമസത്തിനായി അപേക്ഷിക്കാനുള്ള ഇൻവിറ്റേഷനും ലഭിച്ചു.