ആറ് വർഷത്തിലേറെയായി കാനഡയിലുള്ള കുടിയേറ്റക്കാരിൽ മൂന്നിൽ രണ്ട് പേരും (67 ശതമാനം) പുതിയ അന്താരാഷ്ട്ര വിദ്യാർത്ഥി നയങ്ങളെ പിന്തുണയ്ക്കുന്നതായി ലെഗർ സർവേ. ദക്ഷിണേഷ്യൻ കുടിയേറ്റക്കാർക്കിടയിൽ പിന്തുണ 77 ശതമാനമായി കുതിച്ചുയരുന്നതായി സർവേ പറയുന്നു.
കോളേജ് വിദ്യാർത്ഥികൾക്കുള്ള പ്രവേശനം നിയന്ത്രിക്കുന്ന പോസ്റ്റ്-ഗ്രാജുവേഷൻ വർക്ക് പെർമിറ്റിൻ്റെ യോഗ്യതാ മാനദണ്ഡത്തിലെ സമീപകാല മാറ്റങ്ങളിൽ ആശങ്കാകുലരകാണെന്ന് വിദ്യാർത്ഥികൾ പറയുന്നു. പുതിയ നയ മാറ്റങ്ങൾ ബിരുദ വിദ്യാർത്ഥികളെ ബാധിക്കുന്നതായും വിദ്യാർത്ഥികൾക്കുള്ള കാനഡയോടുള്ള ആകർഷണം അപകടത്തിലാക്കുന്നതായും വിദ്യാർത്ഥികൾ വ്യക്തമാക്കി. കാനഡയിൽ താമസിക്കുന്നത് കൂടുതൽ ബുദ്ധിമുട്ടാണെന്നും അന്താരാഷ്ട്ര വിദ്യാർത്ഥികൾ കൂട്ടിച്ചേർത്തു.
അടുത്ത ഫെഡറൽ തെരഞ്ഞെടുപ്പിൽ കുടിയേറ്റം ഒരു പ്രധാന വിഷയമായിരിക്കുമെന്ന് 10 കുടിയേറ്റക്കാരിൽ 8 പേരും വിശ്വസിക്കുന്നുണ്ടെന്ന് ലെഗർ സർവേ കണ്ടെത്തി. അതേസമയം സർവേ പ്രതികരിച്ചവരിൽ പകുതിയിലധികം പേരും തെരഞ്ഞെടുപ്പിനായി മുന്നോട്ട് വച്ച കുടിയേറ്റ നയങ്ങൾ തങ്ങളുടെ വോട്ട് രീതിയെ സ്വാധീനിക്കുമെന്ന് പറഞ്ഞു.
അന്താരാഷ്ട്ര വിദ്യാർത്ഥികളുടെ എണ്ണം പരിമിതപ്പെടുത്തുന്നതിനോട് തനിക്ക് വിയോജിപ്പില്ലെന്ന് യോർക്ക് യൂണിവേഴ്സിറ്റി ഡയറക്ടർ Yvonne Su വ്യക്തമാക്കി. എന്നാൽ പുതിയ നയങ്ങൾക്ക് ചർച്ചകളുടെ അഭാവം എടുത്തുകാണിക്കുന്നതായി അദ്ദേഹം കുറ്റപ്പെടുത്തി.
ഇൻ്റർനാഷണൽ സ്റ്റുഡൻ്റ് പ്രോഗ്രാമിലെ സമീപകാല മാറ്റങ്ങൾ ഞങ്ങളുടെ പല സമ്മർദപരമായ വെല്ലുവിളികളും പരിഹരിക്കാൻ വളരെ പ്രയാസകരമാക്കുമെന്ന് രാജ്യത്തെ പോസ്റ്റ്-സെക്കൻഡറി സ്ഥാപനങ്ങൾക്ക് വേണ്ടി വാദിക്കുന്ന അസോസിയേഷൻ വ്യക്തമാക്കി.
സമ്പദ്‌വ്യവസ്ഥയുടെ തന്ത്രപ്രധാന മേഖലകളിൽ ജോലി ചെയ്യുന്ന വിദ്യാർത്ഥികൾക്കും അവരെ ആശ്രയിക്കുന്ന കമ്മ്യൂണിറ്റികൾക്കും പുതിയ നടപടികൾ അനിശ്ചിതത്വം സൃഷ്ടിച്ചുവെന്ന് മക്‌ഡൊണാൾഡ് വിശ്വസിക്കുന്നു.
ഇൻ്റർനാഷണൽ സ്റ്റുഡൻ്റ് പ്രോഗ്രാമിലെ ദുരുപയോഗം തടയാൻ പുതിയതും നിർദ്ദേശിച്ചതുമായ നിയമങ്ങൾ മതിയെന്ന് കരുതുന്നതായി സർവേയിൽ പങ്കെടുത്ത 4 കുടിയേറ്റക്കാരിൽ ഒരാൾ വ്യക്തമാക്കി.