ശീതകാല കൊടുങ്കാറ്റ് മേഖലയിലൂടെ നീങ്ങുന്നതിനാൽ നോവ സ്കോഷ്യയുടെ ചില ഭാഗങ്ങളിൽ ഇന്ന് രാവിലെ കാലാവസ്ഥാ മുന്നറിയിപ്പുകൾ നിലവിലുണ്ട്. ശീതകാല കൊടുങ്കാറ്റ് മുന്നറിയിപ്പുകൾ കേപ് ബ്രെട്ടണിലുടനീളം പ്രാബല്യത്തിൽ ഉണ്ട്. കേപ് ബ്രെട്ടണിൽ ഇപ്പോഴും ശക്തമായ മഞ്ഞുവീഴ്ചയും കാറ്റും അനുഭവപ്പെടുന്നു. എന്നാൽ ചില പ്രദേശങ്ങളിൽ ഇന്ന് രാവിലെ മഞ്ഞുവീഴ്ച കുറയും, പക്ഷേ ഇൻവർനെസ് കൗണ്ടിയിൽ ഇന്ന് രാത്രിയും വ്യാഴാഴ്ചയും മഞ്ഞുവീഴ്ച തുടരാൻ സാധ്യതയുണ്ടെന്നും എൻവയോൺമെൻ്റ് കാനഡ വ്യക്തമാക്കി. ചില സ്ഥലങ്ങളിൽ 30 സെന്റീമീറ്റർ വരെ മഞ്ഞുവീഴ്ചയ്ക്ക് സാധ്യതയുണ്ടെന്നും ഏജൻസി പറയുന്നു.

കോൺഫെഡറേഷൻ ബ്രിഡ്ജിൽ ശക്തമായ കാറ്റിനുള്ള സാധ്യതയെ തുടർന്ന് മുന്നറിയിപ്പ് നൽകിയിട്ടുണ്ട്. ഇത് ഗതാഗത നിയന്ത്രണങ്ങൾക്ക് ഇടയാക്കിയേക്കും. . നോവ സ്കോഷ്യ നിരവധി സ്കൂളുകൾക്ക് അവധി പ്രഖ്യാപിച്ചിട്ടുണ്ട്. ഹാലിഫാക്സ് സ്റ്റാൻഫീൽഡ് അന്താരാഷ്ട്ര വിമാനത്താവളത്തിൽ വിമാനങ്ങൾ വൈകുകയോ റദ്ദാക്കുകയോ ചെയ്തിട്ടുണ്ട്. കേപ് ബ്രെറ്റൺ ട്രാൻസിറ്റ് (സിബിടി) ഉൾപ്പെടെ എല്ലാ പൊതുഗതാഗത സേവനങ്ങളും ഇന്ന് പ്രവർത്തനരഹിതമായിരിക്കും എന്ന് അറിയിച്ചിട്ടുണ്ട്. ഇതിൽ ഹാൻഡി-ട്രാൻസ് പാരാട്രാൻസിറ്റ് സേവനവും ഉൾപ്പെടും. ഹാലിഫാക്സ് ട്രാൻസിറ്റ് ബസ് സർവീസുകൾ ഇന്ന് രാവിലെ 8 മണിക്ക് പുനരാരംഭിച്ചിട്ടുണ്ട്. ഹാലിഫാക്സ് മേഖലാ എല്ലാ സർക്കാർ ഓഫീസുകളും ഇന്ന് രാവിലെ 10 മണി വരെ തുറക്കില്ല. കേപ് ബ്രെട്ടണിലെ എല്ലാ സർക്കാർ ഓഫീസുകളും, റിച്ച്മണ്ട്, വിക്ടോറിയ, ഇൻവർനെസ്, പിക്ടൗ, ആന്റിഗോണിഷ്, ഗൈസ്ബറോ കൗണ്ടികളിലെ ഓഫീസുകളും ഇന്ന് ഉച്ചയ്ക്ക് 12 മണി വരെ തുറക്കില്ല.കേപ് ബ്രെട്ടണിലെ സിറ്റി ഹാൾ കെട്ടിടവും മറ്റ് മുനിസിപ്പൽ സൗകര്യങ്ങളും ഇന്ന് അടച്ചിരിക്കും.