എച്ച്-1ബി വിസ രജിസ്ട്രേഷൻ ഉടൻ അവസാനിപ്പിക്കാനൊരുങ്ങി അമേരിക്ക‌. 2025 സാമ്പത്തിക വർഷത്തേക്കുള്ള H-1B വിസയുടെ പ്രാരംഭ രജിസ്ട്രേഷൻ തീയതി മാർച്ച് 22 ന് അവസാനിക്കുമെന്നാണ് അറിയിപ്പ്. അമേരിക്കൻ സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ് (യുഎസ്‌സിഐഎസ്) ആണ് ഇക്കാര്യം അറിയിച്ച് പ്രസ്താവന ഇറക്കിയത്. അമേരിക്കയിൽ ജോലി ചെയ്യുന്ന വിദേശ പൗരന്മാർക്ക് H-1B വിസ ആവശ്യമാണ്. അതിൻ്റെ രജിസ്ട്രേഷൻ വിൻഡോ മാർച്ച് 6 ന് ആണ് തുറന്നത്. പുതിയ അറിയിപ്പ് പ്രകാരം എച്ച് -1 ബി വിസയുടെ രജിസ്ട്രേഷൻ തീയതി മാർച്ച് 22 ന് ഉച്ചയ്ക്ക് 12 ന് (ഇന്ത്യൻ സമയം രാത്രി 9.30) അവസാനിക്കും. രജിസ്‌ട്രേഷൻ ഓൺലൈനായിരിക്കും. ഇതിനായി നിങ്ങൾ myUSCIS അക്കൗണ്ട് ഉപയോഗിക്കേണ്ടതുണ്ട്. അപേക്ഷയും അതിൻ്റെ ഫീസും ഇതിലൂടെ മാത്രമേ പൂരിപ്പിക്കാനാകൂ.

ഈ രേഖകൾ നൽകേണ്ടിവരും

രജിസ്‌ട്രേഷനായി, സാധുവായ പാസ്‌പോർട്ട് വിശദാംശങ്ങളും സാധുവായ യാത്രാ രേഖകളും നൽകേണ്ടതുണ്ട്. ക്രമക്കേട് കണ്ടെത്തിയാൽ അപേക്ഷ റദ്ദാക്കുമെന്നാണ് മുന്നറിയിപ്പ്.
രജിസ്ട്രേഷൻ പൂർത്തിയാക്കിയ ശേഷം തിരഞ്ഞെടുക്കപ്പെടുന്നവരെ മാർച്ച് 31-നകം അവരുടെ myUSCIS ഓൺലൈൻ അക്കൗണ്ടിൽ അറിയിക്കും. ഇതിനുശേഷം, എച്ച്ബി ക്യാപ് പെറ്റീഷനിനുള്ള ഓൺലൈൻ ഫോമുകൾ ഏപ്രിൽ 1 മുതൽ സമർപ്പിക്കും. അതേസമയം, H-1B നോൺ-ക്യാപ്പിനുള്ള അപേക്ഷ തീയതി ഉടൻ പ്രഖ്യാപിക്കും. കുടിയേറ്റക്കാരല്ലാത്ത തൊഴിലാളികൾക്കുള്ള അപേക്ഷാ ഫോറം I-129 ഉം പ്രീമിയം സേവനത്തിനുള്ള അപേക്ഷാ ഫോം I-907 ഉം ഓൺലൈനിൽ ലഭ്യമാണെന്ന് USCIS അറിയിച്ചു.

വിസ ഫീസ് വർധിപ്പിച്ചു

2025 സാമ്പത്തിക വർഷത്തേക്കുള്ള വിസ അപേക്ഷകൾ ഏപ്രിൽ 1 മുതൽ സ്വീകരിക്കും. വർഷങ്ങൾക്ക് ശേഷം അമേരിക്കൻ സർക്കാരും വിസ ഫീസ് വർധിപ്പിച്ചിട്ടുണ്ട്. വിസ ഫീസ് 10 ഡോളറിൽ നിന്ന് 110 ഡോളറായി ഉയർത്തി. അതേസമയം, എച്ച്-1ബി വിസയുടെ രജിസ്ട്രേഷൻ ഫീയും 10 ഡോളറിൽ നിന്ന് 215 ഡോളറായി ഉയർത്തി.

എന്താണ് H-1B വിസ?

H-1B വിസ ഒരു നോൺ-ഇമിഗ്രൻ്റ് വിസയാണ്. ഇത് അമേരിക്കൻ കമ്പനികളെ വിദേശ തൊഴിലാളികളെ നിയമിക്കാൻ അനുവദിക്കുന്നു. ഒരു വ്യക്തി ഒരു അമേരിക്കൻ കമ്പനിയിൽ ജോലി ചെയ്യുമ്പോൾ അയാൾക്ക് എച്ച്-1 ബി വിസ നൽകും. ഒരു വ്യക്തിയുടെ എച്ച്-1 ബി വിസയുടെ കാലാവധി കഴിഞ്ഞാൽ, അത് പുതുക്കാൻ അയാൾ വീണ്ടും സ്വന്തം രാജ്യത്തേക്ക് മടങ്ങേണ്ട അവസ്ഥയായിരുന്നു ഇതുവരെയുണ്ടായിരുന്നത്. എന്നാൽ ഇപ്പോൾ നിങ്ങൾ വിസ പുതുക്കൽ പ്രക്രിയയ്ക്കായി വീട്ടിൽ വരേണ്ടതില്ല. അമേരിക്കയിൽ തങ്ങുമ്പോൾ തന്നെ വിസ പുതുക്കാനാകും.