കാനഡയിലുടനീളമുള്ള ഫ്രാങ്കോഫോൺ കമ്മ്യൂണിറ്റികളിലേക്ക് കൂടുതൽ അന്താരാഷ്‌ട്ര വിദ്യാർത്ഥികളെ സ്വാഗതം ചെയ്യുന്നതിനായി പുതിയ ഇമിഗ്രേഷൻ പൈലറ്റ് പ്രോ​ഗ്രാം പ്രഖ്യാപിച്ച് ഇമിഗ്രേഷൻ മന്ത്രി മാർക്ക് മില്ലർ. ഫ്രാങ്കോഫോൺ മൈനോറിറ്റി കമ്മ്യൂണിറ്റീസ് പൈലറ്റ് പ്രോഗ്രാം (എഫ്എംസിഎസ്പി) എന്ന പൈലറ്റ് പ്രോ​ഗ്രാം ഓഗസ്റ്റ് 26-ന് ആരംഭിക്കും. ആദ്യ വർഷം 2,300 വിദ്യാർത്ഥികളെ സ്വീകരിക്കുമെന്നും ഈ പ്രോ​ഗ്രാമിന് കീഴിൽ ഫ്രാങ്കോഫോൺ വിദ്യാർത്ഥികൾക്ക് താൽക്കാലിക താമസവും സ്ഥിരതാമസ പദവി ലഭിക്കുമെന്നും മില്ലർ വ്യക്തമാക്കുന്നു.
FMCSP-യിലെ വിദ്യാർത്ഥികൾക്ക് അവരുടെ പങ്കാളികളെയോ പൊതു നിയമ പങ്കാളികളെയോ ആശ്രിതരായ കുട്ടികളെയോ കൂടെ കൊണ്ടുവരാൻ അനുവാദമുണ്ട്. പങ്കാളികളുടെ പങ്കാളികൾക്കും പൊതു നിയമ പങ്കാളികൾക്കും സന്ദർശക വിസ, ഓപ്പൺ വർക്ക് പെർമിറ്റ് അല്ലെങ്കിൽ സ്റ്റഡി പെർമിറ്റ് എന്നിവയ്ക്ക് അർഹതയുണ്ടായേക്കാം. കാനഡയുടെ അന്താരാഷ്ട്ര വിദ്യാർത്ഥി പ്രോഗ്രാമിലെ സമീപകാല മാറ്റങ്ങളിൽ നിന്ന് ഈ പ്രോ​ഗ്രാമിലെ വിദ്യാർത്ഥികളെ ഒഴിവാക്കിയിട്ടുണ്ട്.
ഫ്രാങ്കോഫോൺ മൈനോറിറ്റി കമ്മ്യൂണിറ്റീസ് പൈലറ്റ് പ്രോഗ്രാം (എഫ്എംസിഎസ്പി) പ്രവേശന നിരക്കുകൾ മെച്ചപ്പെടുത്തുകയും ആഫ്രിക്ക, മിഡിൽ ഈസ്റ്റ്, അമേരിക്ക എന്നിവിടങ്ങളിൽ നിന്നുള്ള വിദ്യാർത്ഥികൾക്കായി നിലവിലെ പ്രോഗ്രാം ഫെയർ ആക്കുകയും ചെയ്യുമെന്ന് ഐആർസിസി പറയുന്നു.
വെൽക്കമിംഗ് ഫ്രാങ്കോഫോൺ കമ്മ്യൂണിറ്റികളുടെ (WFC) സംരംഭത്തിലേക്ക് 10 പുതിയ കമ്മ്യൂണിറ്റികൾ കൂട്ടിച്ചേർക്കുന്നതായും മന്ത്രി വ്യക്തമാക്കി. ഇതോടെ കാനഡയിലുടനീളം ഫ്രാങ്കോഫോൺ കമ്മ്യൂണിറ്റികളുടെ എണ്ണെം 24 ആയി.