ഒന്റാരിയോയിലെ ഭവന നിര്‍മാണത്തിൽ ഇടിവ് സംഭവിച്ചതായി റിപ്പോര്‍ട്ട്. വന പ്രതിസന്ധി പരിഹരിക്കുന്നതിനായി രു ദശാബ്ദത്തിനുള്ളില്‍ 1.5 മില്യണ്‍ വീടുകള്‍ നിര്‍മിക്കുമെന്ന് ഫോര്‍ഡ് സര്‍ക്കാര്‍ വ്യക്തമാക്കിയിരുന്നു. എന്നാൽ രണ്ട് വര്‍ഷത്തിനു ശേഷം ഭവന നിര്‍മാണം ഇഴഞ്ഞുനീങ്ങുന്നതായാണ് റിപ്പോർട്ടുകൾ പറയുന്നത്. ഈ വര്‍ഷം ആദ്യ പകുതിയില്‍ ആരംഭിച്ച ഭവന നിര്‍മാണം മുന്‍ വര്‍ഷത്തേക്കാള്‍ കുറവാണെന്നും റിപ്പോർട്ട് സൂചിപ്പിക്കുന്നു.
ജൂണ്‍ മാസത്തില്‍ 44 ശതമാനം ഇടിവാണ് രേഖപ്പെടുത്തിയതെന്നും അതേസമയം പുതിയ വീടുകളുടെ വില്‍പ്പനയും കുറയുന്നതായി റിപ്പോര്‍ട്ടുകള്‍ വ്യക്തമാക്കുന്നു. കനേഡിയന്‍ മോര്‍ഗേജ് ആന്‍ഡ് ഹൗസിംഗ് കോര്‍പ്പറേഷന്‍ ഡാറ്റ പ്രകാരം ജനുവരി മുതല്‍ ജൂണ്‍ വരെയുള്ള കാലയളവില്‍ 10,,000 ത്തിലധികെ താമസക്കാരുള്ള ഒന്റാരിയോയുടെ പ്രദേശങ്ങളില്‍ 36,371 പുതിയ വീടുകളുടെ നിര്‍മാണം ആരംഭിച്ചു. മുന്‍ വര്‍ഷത്തേക്കാള്‍ 14 ശതമാനം കുറവാണിതെന്നാണ് കണക്കുകൾ പറയുന്നു.