ഡൽഹി മുഖ്യമന്ത്രി അരവിന്ദ് കെജ്‌രിവാളിൻ്റെ അറസ്റ്റിനെക്കുറിച്ചുള്ള ജർമനിയുടെ അഭിപ്രായത്തിൽ പ്രതിഷേധം അറിയിക്കാൻ വിദേശകാര്യ മന്ത്രാലയം ശനിയാഴ്ച ജർമ്മൻ എംബസിയിലെ മുതിർന്ന നയതന്ത്രജ്ഞനെ വിളിച്ചുവരുത്തി. “ജുഡീഷ്യറിയുടെ സ്വാതന്ത്ര്യവുമായി ബന്ധപ്പെട്ട മാനദണ്ഡങ്ങളും അടിസ്ഥാന ജനാധിപത്യ തത്വങ്ങളും കെജ്രിവാളിൻ്റെ കേസിൽ പ്രയോഗിക്കുമെന്ന് പ്രതീക്ഷിക്കുന്നുവെന്ന് ജർമ്മനിയുടെ വിദേശകാര്യ വക്താവ് ഒരു പ്രസ്താവനയിൽ പറഞ്ഞിരുന്നു. “ആരോപണങ്ങൾ നേരിടുന്ന ഏതൊരാളെ പോലെയും കെജ്‌രിവാളിനും ന്യായവും നിഷ്പക്ഷവുമായ വിചാരണയ്ക്ക് അർഹതയുണ്ട്. ഇതിൽ അദ്ദേഹത്തിന് ലഭ്യമായ എല്ലാ നിയമ മാർഗങ്ങളും നിയന്ത്രണങ്ങളില്ലാതെ ഉപയോഗിക്കാൻ കഴിയും. നിരപരാധിത്വത്തിൻ്റെ അനുമാനം നിയമവാഴ്ചയുടെ കേന്ദ്ര ഘടകമാണ്. അത് ബാധകമാക്കുകയും വേണം.” വക്താവ് പറഞ്ഞു. ജർമ്മൻ വിദേശകാര്യ മന്ത്രാലയ വക്താവിൻ്റെ അഭിപ്രായത്തോട് പ്രതികരിച്ച് ഇന്ത്യ ജർമ്മൻ എംബസിയുടെ ഡെപ്യൂട്ടി മിഷൻ ഓഫ് മിഷൻ ജോർജ്ജ് എൻസ്‌വീലറെ വിളിച്ചുവരുത്തി ശക്തമായ പ്രതിഷേധം രേഖപ്പെടുത്തി. ഇത് രാജ്യത്തിൻ്റെ ജുഡീഷ്യൽ പ്രക്രിയയിലെ ഇടപെടൽ ആണെന്നും പറഞ്ഞു. ഡൽഹി സർക്കാരിൻ്റെ 2021-22 ലെ എക്‌സൈസ് നയം രൂപീകരിക്കുന്നതിലും നടപ്പിലാക്കുന്നതിലും അഴിമതിയും കള്ളപ്പണം വെളുപ്പിക്കലും ആരോപിച്ചാണ് കേസ്.