ഓണ്‍ലൈന്‍ വഴി വിൽക്കുന്ന ഉല്‍പ്പന്നങ്ങള്‍ക്ക് അമിത വില ഈക്കുന്നുവെന്ന ആരോപത്തെ തുടർന്ന് കോസ്റ്റ്‌കോയ്‌ക്കെതിരെ കേസ്. സ്റ്റോറുകളിലേതിനേക്കാള്‍ വിലയാണ് ഓണ്‍ലൈന്‍ വഴി വിൽക്കുന്ന ഉല്‍പ്പന്നങ്ങള്‍ക്ക് കോസ്റ്റ്‌കോ ഈടാക്കുന്നത്. ക്യുബെക്ക് ആസ്ഥാനമായുള്ള നിയമസ്ഥാപനമായ പെരിയര്‍ അറ്റോണീസ് ആണ് കേസ് ഫയല്‍ ചെയ്തിരിക്കുന്നത്.
‘ഡബിള്‍ ടിക്കറ്റിംഗ്’ എന്ന് വിളിക്കപ്പെടുന്ന ഈ സമ്പ്രദായം കോമ്പറ്റീഷന്‍ ആക്ടിന്റെ 54 ആം വകുപ്പ് ലംഘിക്കുന്നതാണെന്ന് സ്ഥാപനം ചൂണ്ടിക്കാട്ടി. ഫെഡറല്‍ കോടതിക്ക് മുമ്പാകെ സമര്‍പ്പിച്ച ഈ കേസ്, പ്രതിയായ കോസ്റ്റ്‌കോ ഹോള്‍സെയില്‍ കാനഡ വാഗ്ദാനം ചെയ്യുന്ന നിരവധി ഉല്‍പ്പന്നങ്ങളുടെ ഡബിള്‍ ലേബലിംഗ് അടിസ്ഥാനമാക്കിയാണെന്ന് വെബ്‌സൈറ്റില്‍ പറയുന്നു.
ഓണ്‍ലൈനില്‍ ഉല്‍പ്പന്നങ്ങളുടെ നിരക്കുകൾ സംബന്ധിച്ച് തെറ്റായ അല്ലെങ്കില്‍ തെറ്റിദ്ധരിപ്പിക്കുന്ന വിവരങ്ങളാണ് ഉപഭോക്താക്കള്‍ക്ക് കോസ്റ്റ്‌കോ നല്‍കുന്നതെന്നും ആരോപണമുണ്ട്. ഉപഭോക്താക്കള്‍ക്കും പങ്കുചേരാമെന്നുംപെരിയര്‍ അറ്റോണിസ് വ്യക്തമാക്കുന്നു.
കോസ്റ്റ്‌കോയ്‌ക്കെതിരെ കേസ് ; ഓണ്‍ലൈന്‍ വഴി വിൽക്കുന്ന ഉല്‍പ്പന്നങ്ങള്‍ക്ക് സ്‌റ്റോറിലേതിനേക്കാള്‍ അമിത വില
Reading Time: < 1 minute
