തുടർച്ചയായ മൂന്നാം ആഴ്‌ചയും എക്‌സ്‌പ്രസ് എൻട്രി നറുക്കെടുപ്പ് നടത്തി ഐആർസിസി. ഏറ്റവും പുതിയ നറുക്കെടുപ്പിലൂടെ സ്ഥിര താമസത്തിനായി അപേക്ഷിക്കാൻ (ITA) 1,391 അപേക്ഷകർക്ക് ഇൻവിറ്റേഷൻ നൽകി.
പ്രവിശ്യാ നോമിനേഷനിലെ ഉദ്യോ​ഗാർത്ഥികൾക്കായി നടത്തിയ നറുക്കെടുപ്പിലൂടെ 670 അല്ലെങ്കിൽ അതിന് മുകളിലുള്ള സമഗ്ര റാങ്കിംഗ് സിസ്റ്റം (CRS) സ്‌കോറും ഉള്ളവർക്കാണ് ഇൻവിറ്റേഷൻ നൽകിയത്.
ഇപ്പോൾ നടന്നത് പിഎൻപി നറുക്കെടുപ്പ് ആയതിനാൽ, ഈ ആഴ്‌ചയിൽ കൂടുതൽ നറുക്കെടുപ്പുകൾ ഉണ്ടായേക്കും. നറുക്കെടുപ്പുകൾ കനേഡിയൻ എക്‌സ്പീരിയൻസ് ക്ലാസിനോ (CEC) അല്ലെങ്കിൽ STEM-നോ ആകാനുള്ള ഉയർന്ന സാധ്യതകളുണ്ടെന്നും റിപ്പോർട്ട് പറയുന്നു.