ബ്രിട്ടീഷ് കൊളംബിയ, മാനിറ്റോബ, പ്രിൻസ് എഡ്വേർഡ് ഐലൻഡ് (പിഇഐ). ക്യുബെക്ക് എന്നീ നാല് പ്രവിശ്യകളിലേക്ക് പ്രൊവിൻഷ്യൽ നോമിനി പ്രോഗ്രാം (PNP) ഇൻവിറ്റേഷൻ നൽകി ഇമിഗ്രേഷൻ റെഫ്യൂജീസ് ആൻഡ് സിറ്റിസൺഷിപ്പ് കാനഡ (ഐആർസിസി).

ബ്രിട്ടീഷ് കൊളംബിയ

ഒക്ടോബർ 22-ന് ബ്രിട്ടീഷ് കൊളംബിയ പ്രൊവിൻഷ്യൽ നോമിനി പ്രോഗ്രാം (ബിസി പിഎൻപി) വഴി സ്കിൽഡ് വർക്കർ, ഇൻ്റർനാഷണൽ ഗ്രാജുവേറ്റ് സ്ട്രീമുകൾക്ക് കീഴിൽ 125 ഉദ്യോഗാർത്ഥികൾക്ക് ഇൻവിറ്റേഷൻ നൽകി.
ടെക് മേഖലയുമായി ബന്ധപ്പെട്ട് 60 ഉദ്യോഗാർത്ഥികൾക്ക് ഇൻവിറ്റേഷൻ നൽകി. സ്‌കിൽഡ് ഇമിഗ്രേഷൻ വിഭാഗത്തിന് കീഴിൽ യോഗ്യരായ ഉദ്യോഗാർത്ഥികൾക്കായി പ്രവിശ്യ നാല് വ്യത്യസ്ത നറുക്കെടുപ്പുകൾ നടത്തി. ഏറ്റവും വലിയ നറുക്കെടുപ്പ് പൊതുവായതായിരുന്നു. ബീസി പിഎൻപിയുടെ സ്കിൽഡ് വർക്കർ, ഇൻ്റർനാഷണൽ ഗ്രാജുവേറ്റ്, എൻട്രി ലെവൽ, സെമി സ്കിൽഡ് സ്ട്രീമുകളിൽ നിന്ന് 83 ഉ ഉദ്യോഗാർത്ഥികൾക്ക് ഇൻവിറ്റേഷൻ നൽകി. എൻട്രി-ലെവൽ, സെമി-സ്‌കിൽഡ് ഉദ്യോഗാർത്ഥികൾ ഒഴികെ എല്ലാ ഉദ്യോഗാർത്ഥികൾക്കും 130 സ്കോർ ആവശ്യമാണ്. വെറ്റിനറി കെയറുമായി ബന്ധപ്പെട്ട് 5 അപേക്ഷകർക്കും ഇൻവിറ്റേഷൻ നൽകി.

മാനിറ്റോബ

ഒക്‌ടോബർ 24-ന് മാനിറ്റോബ PNP നറുക്കെടുപ്പിലൂടെ 253 ഉദ്യോഗാർത്ഥികൾക്ക് ഇൻവിറ്റേഷൻ നൽകി. സ്‌കിൽഡ് വർക്കർ ഓവർസീസ് നറുക്കെടുപ്പിലൂടെ 47 ഉദ്യോഗാർത്ഥികൾക്കും ഇൻ്റർനാഷണൽ എജ്യുക്കേഷൻ സ്ട്രീമുകൾക്ക് കീഴിൽ 156 ഉദ്യോഗാർത്ഥികൾക്കും മാനിറ്റോബ വിദഗ്ധ തൊഴിലാളി വഴി 50 ഉദ്യോഗാർത്ഥികൾക്ക് ഇൻവിറ്റേഷൻ നൽകി.

പ്രിൻസ് എഡ്വേർഡ് ഐലൻഡ്

പ്രിൻസ് എഡ്വേർഡ് ഐലൻഡ് (PEI) സെപ്റ്റംബർ 20-ന് നടത്തിയ നറുക്കെടുപ്പിലൂടെ 48 ഉദ്യോഗാർത്ഥികൾക്ക് ഇൻവിറ്റേഷൻ നൽകി. ഈ PEI PNP നറുക്കെടുപ്പിന് പരി​ഗണിക്കുന്നത് ഏറ്റവും കുറഞ്ഞ പോയിൻ്റ് 97 ആയിരുന്നു.

ക്യൂബെക്ക്

സെപ്റ്റംബർ 19-ന് നടന്ന റെഗുലർ സ്കിൽഡ് വർക്കർ പ്രോഗ്രാം നറുക്കെടുപ്പിലൂടെ 1650 ഉദ്യോഗാർത്ഥികൾക്ക് ക്യൂബെക്ക് ഇൻവിറ്റേഷൻ നൽകി.
ഉദ്യോഗാർത്ഥികൾക്ക് Échelle québécoise des niveaux de compétence en français (NCLC) ൽ 7 വാക്കാലുള്ള ഫ്രഞ്ച് പ്രാവീണ്യം ആവശ്യമാണ്.