വാട്സ്ആപ്പിൽ സ്റ്റാറ്റസ് അപ്ഡേറ്റ് ചെയ്യുന്നതും അത് എത്രപേർ കാണുന്നുന്നും നോക്കുന്നത് നിങ്ങൾക്കൊരു ഹരമാണെങ്കിൽ ഇതാ നിങ്ങൾക്കൊരു സന്തോഷവാർത്ത. മെച്ചപ്പെട്ട അനുഭവവും ആശയവിനിമയവും ലക്ഷ്യമിട്ട് നിരവധി പുതിയ ഫീച്ചറുകൾ അവതരിപ്പിക്കാൻ ഒരുങ്ങുകയാണ് വാട്സ്ആപ്പ്. ഈ ഫീച്ചറുകൾ ഉടൻ തന്നെ എത്തുമെന്നാണ് പ്രതീക്ഷിക്കുന്നത്.
വാട്സ്ആപ്പിലെ സ്റ്റാറ്റസ് അപ്‌ഡേറ്റുകൾക്ക് നോട്ടിഫിക്കേഷനുകൾ ലഭിക്കുന്നതാണ് ഈ ഫീച്ചറുകളിലൊന്ന്. ഒരു വാട്സ്ആപ്പ് കോൺടാക്റ്റ് അപ്ഡേറ്റ് ചെയ്ത സ്റ്റാറ്റസ്, നിങ്ങൾ കണ്ടില്ലെങ്കിൽ ഉടൻ തന്നെ നിങ്ങൾക്ക് ഒരു നോട്ടിഫിക്കേഷൻ ലഭിച്ചേക്കാം. WA ബീറ്റ ഇൻഫോ എന്ന പ്ലാറ്റ്ഫോം ആണ് ഈ ഫീച്ചർ വെളിപ്പെടുത്തിയിരിക്കുന്നത്. വാട്സ്ആപ്പ് ഇത് ഔദ്യോഗികമായി പ്രഖ്യാപിച്ചിട്ടില്ലെന്നത് പ്രത്യേകം ഓർക്കുക.
റിപ്പോർട്ടുകൾ പ്രകാരം, ഷെഡ്യൂൾ ചെയ്‌തിരിക്കുന്ന കോൺടാക്‌റ്റുകളിൽ നിന്നുള്ള കാണാത്ത പുതിയ സ്റ്റാറ്റസ് അപ്‌ഡേറ്റുകളെ കുറിച്ച് ഉപയോക്താക്കൾക്ക് ഇനി മുതൽ നോട്ടിഫിക്കേഷൻ നൽകുന്നത് വാട്ട്‌സ്ആപ്പ് പരീക്ഷിക്കുകയാണ്.
ഇത് തങ്ങളെ കുറിച്ചുള്ള പ്രസക്തമായ അപ്‌ഡേറ്റുകളെക്കുറിച്ച് അറിയിക്കാൻ ഉപഭോക്താക്കളെ സഹായിക്കുന്നു. ഈ നോട്ടിഫിക്കേഷനുകളിലൂടെ വാട്സ്ആപ്പിലെ കോൺടാക്റ്റുകളുമായുള്ള ഇടപെടുകൾ വർദ്ധിക്കുന്നു. ഈ ഫീച്ചർ നിലവിൽ വികസിപ്പിച്ചുകൊണ്ടിരിക്കുകയാണ്, വരും ദിവസങ്ങളിലെ അപ്‌ഡേറ്റിൽ ഉൾപ്പെടുത്തുമെന്ന് പ്രതീക്ഷിക്കാം.
ഇതിന് പുറമേ, പുതിയ കണക്ഷനുകൾ ലളിതമാക്കുന്നതിനായി ഒരു ‘സജസ്റ്റഡ് ചാറ്റ്’ സെക്ഷനും വാട്സ്ആപ്പ് ഉടൻ അവതരിപ്പിക്കുമെന്ന് പ്രതീക്ഷിക്കുന്നു. ചാറ്റ് ലിസ്റ്റിൻ്റെ താഴെയായി വരുന്ന ഈ സെക്ഷൻ മുമ്പ് ഇടപഴകാത്ത കോൺടാക്ടുകൾക്ക് മെസേജ് അയക്കാൻ ചെയ്യുമെന്നുമാണ് പ്രതീക്ഷിക്കുന്നത്. ഇത് സോഷ്യൽ നെറ്റ്‌വർക്കുകൾ വിശാലമാക്കുന്നതും പുതിയ കോൺടാക്റ്റുകളുമായി സംഭാഷണങ്ങൾ ആരംഭിക്കുന്നതും എളുപ്പമാക്കുന്നു. എന്നിരുന്നാലും ‘സജസ്റ്റഡ് ചാറ്റ്’ സെക്ഷൻ എപ്പോൾ വേണമെങ്കിലും ഡിസ്മിസ് ചെയ്യാൻ സാധിക്കുമെന്നും റിപ്പോർട്ടുകളുണ്ട്
കൂടാതെ പ്രെെമറി ഡിവെെസിലും ലിങ്ക് ചെയ്‌തിട്ടുള്ള ഡിവെെസുകളിലും ചാറ്റുകൾ ലോക്ക് ചെയ്യാനുള്ള അവസരം പുതുതായി ഉൾപ്പെടുത്തി വാട്ട്‌സ്ആപ്പ് തങ്ങളുടെ യൂസേഴ്സിൻ്റെ സ്വകാര്യത വിപുലീകരിക്കാനും ഉദ്ദേശിക്കുന്നതായി റിപ്പോർട്ടുകളുണ്ട്. ലിങ്ക് ചെയ്‌ത ഡിവെെസിൽ ലോക്ക് ചെയ്‌ത ചാറ്റുകൾ ആക്‌സസ് ചെയ്യുന്നതിനായി ഉപയോക്താക്കൾക്ക് അവരുടെ പ്രെെമറി ഡിവെെസിൽ ഒരു രഹസ്യ കോഡ് ഉണ്ടാക്കാൻ കഴിയും.