ഏറ്റവും പുതിയ ബീസി പിഎൻപി നറുക്കെടുപ്പിലൂടെ സ്ഥിരതാമസത്തിന് (പിആർ) അപേക്ഷിക്കാൻ (ഐടിഎ) 72-ലധികം ഉദ്യോ​ഗാർത്ഥികൾക്ക് ഇൻവിറ്റേഷൻ നൽകി. മെയ് 7 ന് നടന്ന മുൻ ജനറൽ ബീസി പിഎൻപി നറുക്കെടുപ്പിനെ അപേക്ഷിച്ച് കട്ട്ഓഫ് സ്‌കോർ 2 പോയിൻ്റ് വർധിച്ചിട്ടുണ്ട്.
5 സാങ്കേതിക തൊഴിലുകളെ ലക്ഷ്യമിട്ടുള്ള BC PNP സ്‌കിൽഡ് വർക്കർ, ഇൻ്റർനാഷണൽ ഗ്രാജ്വേറ്റ് സ്ട്രീമുകൾക്ക് കീഴിൽ നടന്ന പൊതു നറുക്കെടുപ്പിലൂടെ 50 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകി. ചൈൽഡ് ഹുഡ് എഡ്യുക്കേറ്റേഴ്സ് ആൻഡ് അസിസ്റ്റൻ്റുകളോ ഇൻസ്ട്രക്ടർമാരോ ആയി പരിചയമുള്ളവർക്കും ഇൻവിറ്റേഷൻ നൽകിയിട്ടുണ്ട്. കൂടാതെ, 2023-ൻ്റെ അവസാനത്തിൽ അവതരിപ്പിച്ച ബ്രിട്ടീഷ് കൊളംബിയയുടെ ഏറ്റവും പുതിയ കാറ്റഗറി അടിസ്ഥാനമാക്കിയുള്ള നറുക്കെടുപ്പിനായി 25 നിർമ്മാണവുമായി ബന്ധപ്പെട്ട തൊഴിലുകളിൽ പരിചയമുള്ള 9 അപേക്ഷകർക്കും ഇൻവിറ്റേഷൻ നൽകി.