കാനഡയിലുടനീളം പാര്പ്പിട നിര്മാണം വര്ധിച്ചതായി റിപ്പോര്ട്ട്. മെയ് മാസത്തില് ആല്ബെര്ട്ടയില് പാര്പ്പിട നിര്മാണത്തിൽ റെക്കോര്ഡ് വര്ധനയാണ് ഉണ്ടായത്. പ്രവിശ്യയിലുടനീളം 4,100 ലധികം പുതിയ വീടുകളുടെ നിര്മാണം കഴിഞ്ഞ മാസം ആരംഭിച്ചതായും ഈ വര്ഷം ഇതുവരെ മൊത്തം 17,000 ഓളം പുതിയ യൂണിറ്റുകളാണ് കൂട്ടിച്ചേര്ത്തതായും മോര്ഗേജ് ആന്ഡ് ഹൗസിംഗ് കോര്പ്പറേഷൻ പറയുന്നു.
ഇതോടൊപ്പം എഡ്മന്റണിലും കാല്ഗറിയിലും പാര്പ്പിട നിര്മാണം വര്ധിച്ചിട്ടുണ്ട്. എഡ്മന്റണില് മാത്രം മെയ് മാസത്തില് 1,200 ലധികം വീടുകളുടെ നിര്മാണമാണ് ആരംഭിച്ചത്. കഴിഞ്ഞ വര്ഷം ഈ കാലയളവില് 518 ആയിരുന്നു കണക്ക്. കാല്ഗറിയില് 1600 ലധികം വീടുകളാണ് നിര്മിക്കുന്നത്.
എഡ്മന്റണ് സിറ്റി കൗണ്സില് 170 മില്യണ് ഡോളറിന്റെ ഹൗസിംഗ് ആക്സിലറേറ്റര് ഫണ്ടിന് അംഗീകാരം നല്കിയിരുന്നു. അപ്പാര്ട്ട്മെന്റ് യൂണിറ്റുകളാണ് കൂടുതലായും നിര്മിക്കുന്നത്. സിംഗിള് ഫാമിലി യൂണിറ്റുകള്ക്കും ഡിമാന്ഡ് വര്ധിച്ചതായും കണക്കുകൾ പറയുന്നു.
കാനഡയിലുടനീളം പാര്പ്പിട നിര്മാണം വര്ധിച്ചു
Reading Time: < 1 minute
