ന്യൂഡൽഹി: അയോധ്യ രാമക്ഷേത്രത്തിന്റെ ഉദ്ഘാടനം ജനുവരി 22 ന് നടക്കും.
22 ന് ഉച്ചയ്ക്ക് 12:20 ന് അയോധ്യയിലെ ശ്രീരാമ വിഗ്രഹത്തിന്റെ പ്രതിഷ്ഠാ ചടങ്ങ് ഷെഡ്യൂൾ ചെയ്തിരിക്കുന്നു. ഉദ്ഘാടന ചടങ്ങിന് 7,000 അതിഥികളെയും ഉദ്ഘാടനത്തിന് ശേഷം കുറഞ്ഞത് ഒരു മാസത്തേക്ക് പ്രതിദിനം മൂന്ന് മുതൽ അഞ്ച് ലക്ഷം വരെ സന്ദർശകരെയും അയോധ്യ വികസന അതോറിറ്റിയിലെ ഉദ്യോഗസ്ഥർ പ്രതീക്ഷിക്കുന്നു. ജനുവരി 22-ന് അയോധ്യയിൽ നടക്കുന്ന പരിപാടിയിലേക്ക് മതനേതാക്കൾ, അഭിനേതാക്കൾ, രാഷ്ട്രീയക്കാർ എന്നിവർക്ക് ക്ഷണങ്ങൾ അയച്ചിട്ടുണ്ട്. എന്നാൽ, പ്രതിപക്ഷ പാർട്ടികളിൽ നിന്ന് ആരൊക്കെ പങ്കെടുക്കുമെന്ന് ഇതുവരെ വ്യക്തമായിട്ടില്ല. ജനുവരി 22ന് ശേഷം അയോധ്യയുടെ സമ്പദ്വ്യവസ്ഥക്ക് പുത്തൻ ഉണർവുണ്ടാകും. പ്രധാനമന്ത്രി നരേന്ദ്ര മോദി , ഉത്തർപ്രദേശ് മുഖ്യമന്ത്രി യോഗി ആദിത്യനാഥ്, ആർഎസ്എസ് സർചാലക് മോഹൻ ഭഗവത് എന്നിവർ ക്ഷേത്ര ഉദ്ഘാടന ചടങ്ങിൽ പ്രസംഗിക്കുമെന്ന് പ്രതീക്ഷിക്കുന്നു. 2020 ഫെബ്രുവരി 5 മുതൽ 2023 മാർച്ച് 31 മുതൽ ഇടയിൽ ശ്രീരാമ ജന്മഭൂമി തീർത്ഥ ക്ഷേത്ര ട്രസ്റ്റ് രാമക്ഷേത്ര നിർമ്മാണത്തിനായി 90 കോടി രൂപ ചെലവഴിച്ചതായി ട്രസ്റ്റ് അറിയിച്ചു