നോവ സ്കോഷ്യ, ന്യൂഫൗണ്ട്‌ലാൻഡിലെയും ഭൂരിഭാ​ഗം പ്രദേശങ്ങൾക്കും ശീതകാല കൊടുങ്കാറ്റ് മുന്നറിയിപ്പ് നൽകി എൺവയോൺമെന്റ് കാനഡ. ഇന്ന് ഉച്ചയ്ക്ക് ശേഷം മുതൽ ബുധനാഴ്ച രാവിലെ വരെ ശക്തമായ കൊടുങ്കാറ്റ് പ്രവിശ്യയിൽ ആഞ്ഞടിക്കുന്നതിനാൽ തെക്കൻ, കിഴക്കൻ നോവ സ്കോഷ്യയിൽ 15 മുതൽ 25 സെൻ്റീമീറ്റർ വരെ മഞ്ഞ് വീഴ്ചയും മണിക്കൂറിൽ 60 മുതൽ 80 കിലോമീറ്റർ വരെ വേഗതയുള്ള കാറ്റും വീശുമെന്നും എൺവയോൺമെന്റ് കാനഡയുടെ മുന്നറിയിപ്പിൽ പറയുന്നു. അറ്റ്ലാൻ്റിക് തീരത്താണ് ഏറ്റവും കൂടുതൽ മഞ്ഞുവീഴ്ച ഉണ്ടാകുമെന്നും റിപ്പോർട്ട് പറയുന്നു. ന്യൂഫൗണ്ട്‌ലാൻഡിൽ 30 മുതൽ 50 സെൻ്റീമീറ്റർ വരെ മഞ്ഞുവീഴ്ചയും ചില പ്രദേശങ്ങളിൽ വലിയ അളവിൽ ഉണ്ടാകാനുള്ള സാധ്യതയുണ്ടെന്നും റിപ്പോർട്ട് പറയുന്നു. ബുധനാഴ്ച രാവിലെ മുതൽ വെള്ളിയാഴ്ച വരെ ന്യൂഫൗണ്ട്‌ലാൻഡിൽ ശീതകാല കൊടുങ്കാറ്റ് പ്രതീക്ഷിക്കുന്നതായും ബുധനാഴ്ച രാത്രിയോടെ ഏറ്റവും കനത്ത മഞ്ഞ് വീഴ്ച ഉണ്ടാകുമെന്നും ദേശീയ കാലാവസ്ഥാ ഏജൻസി പറയുന്നു. ന്യൂഫൗണ്ട്‌ലാൻഡിൽ, സെൻ്റ് ജോൺസിനും മറ്റ് പല തീരദേശ കമ്മ്യൂണിറ്റികൾക്കും, പ്രത്യേകിച്ച് വടക്കുകിഴക്ക് അഭിമുഖീകരിക്കുന്ന തീരപ്രദേശങ്ങളിൽ കൊടുങ്കാറ്റ്മു ന്നറിയിപ്പുകൾ നിലവിലുണ്ട്. ബുധനാഴ്ച രാത്രി വൈകിയും വേലിയേറ്റ സമയത്ത് അഞ്ച് മുതൽ ഏഴ് മീറ്റർ വരെ തിരമാലകൾ പ്രതീക്ഷിക്കാം. ഫോർട്ട് മക്ലിയോഡ്, കാൻമോർ, കനനാസ്‌കിസ് കൗണ്ടി, വാട്ടർടൺ ലേക്‌സ് നാഷണൽ പാർക്ക് എന്നിവയുൾപ്പെടെ തെക്കുപടിഞ്ഞാറൻ ആൽബർട്ടയിലും പരിസ്ഥിതി കാനഡ മഞ്ഞുവീഴ്‌ച മുന്നറിയിപ്പ് നൽകിയിട്ടുണ്ട്.