മോർട്ട്‌ഗേജുള്ള കനേഡിയൻമാരിൽ 10ൽ ആറുപേരും സാമ്പത്തിക പ്രതിസന്ധിയിലാണെന്നും ഇതിൽ സമ്മർദ്ദത്തിലാകാനുള്ള സാധ്യത കൂടുതലാണെന്നും ലെഗർ സർവേ. മോർട്ട്ഗേജുള്ള 18 നും 34 നും ഇടയിൽ പ്രായമുള്ളവരിൽ 68 ശതമാനം പേരും സാമ്പത്തിക സമ്മർദത്തിലാണെന്ന് സർവേ പറയുന്നു. ജൂൺ 7 നും ജൂൺ 9 നും ഇടയിൽ ലെഗർ 1,528 കനേഡിയ‌ന്മാരിൽ ഓൺലൈനായാണ് സർവ്വേ നടത്തിയത്.
ഫിക്‌സഡ് റേറ്റ് മോർട്ട്‌ഗേജുള്ളവരിൽ 43 ശതമാനം പേർ തങ്ങളുടെ മോർട്ട്‌ഗേജ് ഈ വർഷമോ അടുത്ത വർഷമോ പുതുക്കാനുണ്ടെന്ന് പറയുന്നു.
അടുത്ത രണ്ട് വർഷത്തിനുള്ളിൽ മോർട്ട്ഗേജുകൾ പുതുക്കാൻ തയ്യാറെടുക്കുന്നവരിൽ മൂന്നിൽ രണ്ട് പേരും ഫിക്സഡ് റേറ്റ് മോർട്ട്ഗേജിലേക്ക് മാറാൻ ആഗ്രഹിക്കുന്നതായി പറയുന്നു.
പണപ്പെരുപ്പത്തിനെതിരായ സെൻട്രൽ ബാങ്കിൻ്റെ പോരാട്ടത്തെത്തുടർന്ന് ബാങ്ക് ഓഫ് കാനഡ അതിൻ്റെ പ്രധാന പലിശനിരക്ക് വെട്ടിക്കുറച്ചിരുന്നു.