ലോക്സഭാ അംഗമായി മലയാളത്തിൽ സത്യപ്രതിജ്ഞ ചെയ്ത് കേന്ദ്രമന്ത്രിയും തൃശൂർ എംപിയുമായ സുരേഷ് ഗോപി. കൃഷ്മാ… ഗുരുവായൂരപ്പാ…ഭഗവാനേ എന്ന് ജപിച്ചാണ് സുരേഷ് ഗോപി സത്യപ്രതിജ്ഞ തുടങ്ങിയത്. ദൈവനാമത്തിലായിരുന്നു സുരേഷ് ഗോപിയുടെ സത്യപ്രതിജ്‌ഞ.
സത്യപ്രതിജ്ഞ ചൊല്ലിയശേഷം ഭരണപക്ഷത്തിനും പ്രതിപക്ഷത്തിനും നേരെ നോക്കി കൈ കൂപ്പി തൊഴുതാണ് സുരേഷ്‌ഗോപി തന്റെ സീറ്റിലേക്ക് മടങ്ങിയത്. അതേസമയം ലോക്സഭാ തിരഞ്ഞെടുപ്പിൽ തൃശ്ശൂരിൽ നിന്നും വമ്പിച്ച വിജയമാണ് സുരേഷ് ഗോപി നേടിയത്. ലോക്സഭാ തിരഞ്ഞെടുപ്പിൽ കേരളത്തിൽനിന്നും വിജയിച്ച ഏക ബിജെപി അംഗം കൂടിയാണ് സുരേഷ് ഗോപി.