മലയാളത്തിൻ്റെ സ്വന്തം മെഗാസ്റ്റാർ മമ്മൂട്ടിയുടെ പുതിയ സിനിമ ടർബോയുടെ റിലീസ് ഡേറ്റ് പ്രഖ്യാരിച്ചു. ജൂൺ 13ന് സിനിമ ലോകമെമ്പാടും റിലീസ് ചെയ്യും. ഏപ്രിൽ 14 വിഷുവിനോടനുബന്ധിച്ച് ചിത്രത്തിൻ്റെ നിർമ്മാതാക്കൾ സോഷ്യൽ മീഡിയയിൽ ഇത് പ്രഖ്യാപിച്ചു. തുടർച്ചയായ ഹിറ്റ് ചാർട്ടിൽ ഇടംപിടിക്കുന്ന മമ്മൂട്ടിയുടെ ഏറ്റവും പുതിയ സിനിമ വൈശാഖ് ആണ് സംവിധാനം ചെയ്യുന്നത്. സിനിമ ഒരു ഹൈ-ഒക്ടെയ്ൻ ആക്ഷൻ ഡ്രാമയാണെന്നാണ് സൂചന.
ചിത്രത്തിൻ്റെ റിലീസ് തീയതി ഉൾക്കൊള്ളുന്ന ടർബോയുടെ പുതിയ പോസ്റ്റർ മമ്മൂട്ടി പങ്കിട്ടു. മമ്മൂട്ടി ടൈറ്റിൽ റോളിൽ എത്തുന്ന സിനിമയിൽ കന്നഡ നടൻ രാജ് ബി ഷെട്ടി, തെലുങ്ക് നടൻ സുനിൽ, ‘പച്ചുവും അത്ഭുത വിളക്കും’ എന്നി സിനിമയിലൂടെ പ്രശസ്തതമായ നടി അഞ്ജന ജയപ്രകാശ് എന്നിവർ പ്രധാന വേഷങ്ങളിൽ എത്തുന്നു.
മമ്മൂട്ടിയുടെ സ്വന്തം ബാനറാണ് നിർമിക്കുന്നത്. ഛായാഗ്രാഹണം വിഷ്ണു ശർമ്മ, എഡിറ്റർ ഷമീർ മുഹമ്മദ്, സംഗീതസംവിധായകൻ ക്രിസ്റ്റോ സേവ്യർ എന്നിവരാണ് സാങ്കേതിക സംഘം.