വീടുകളുടെ മുന്നിലുള്ള നടപ്പാതകളിലെ മഞ്ഞ് നീക്കം ചെയ്യാത്ത വീട്ടുടമസ്ഥര്‍ക്ക് പിഴ ചുമത്താനൊരുങ്ങി വാന്‍കുവര്‍ സിറ്റി. മഞ്ഞുവീഴ്ചയ്ക്ക് ശേഷം പിറ്റേന്ന് രാവിലെ 10 മണിയോടെ നിവാസികള്‍ മഞ്ഞ് നീക്കം ചെയ്തിരിക്കണമെന്നും അല്ലാത്തപക്ഷം മഞ്ഞ് നീക്കം ചെയ്യുന്നതില്‍ വീഴ്ച വരുത്തുന്നവര്‍ക്ക് 250 ഡോളര്‍ മുതല്‍ 750 ഡോളര്‍ വരെ പിഴ ചുമത്തുമെന്നും സിറ്റി അധികൃതര്‍ വ്യക്തമാക്കി.
വീട്ടിലില്ലാത്ത പക്ഷമോ മഞ്ഞ് നീക്കം ചെയ്യാന്‍ കഴിയാത്ത സാഹചര്യമോ ആണെങ്കില്‍ സന്നദ്ധത പ്രവര്‍ത്തകരായ സ്‌നോ ഏഞ്ചലിന്റെ സഹായം അഭ്യര്‍ത്ഥിക്കാമെന്നും അധികൃതര്‍ കൂട്ടിച്ചേർത്തു.
